گریڈ انیس کے سینئر آفیسر حمدان نزیر نے ڈپٹی ڈویژنل سپرنٹنڈنٹ ریلوے لاہور کا چارج سنبھال لیا۔

شعبہ ٹریفک اینڈ کمرشل کے گریڈ 19 کے سینیئر آفیسر حمدان نزیر نے ریلوے لاہور ڈویژن میں ڈپٹی ڈویژنل سپرنٹنڈنٹ کا چارج سنبھالنے کے بعد باقاعدہ کام کا آغاز کر دیا۔ گزشتہ دنوں ریلوے ہیڈ کوارٹرز آفس کی جانب سے ان کی تعیناتی کا باقاعدہ نوٹیفکیشن جاری ہوا تھا۔ نئے تعینات ہونے والے انرجیٹک آفیسر ریلوے کے شعبہ ٹریفک اینڈ کمرشل میں وسیع تجربے اور مہارت کے حامل ہیں۔ حمدان نزیر اپنی محنت، ایمانداری اور خوش اخلاقی کے باعث ریلوے کے مختلف حلقوں میں اچھی شہرت کے حامل آفیسر ہیں۔ڈویژنل سپرنٹنڈنٹ ریلوے لاہور انعام اللہ سمیت ڈویژنل و اسسٹنٹ افسران نے ان کو تعیناتی پر خوش آمدید کہا اور ان کیلئے نیک تمناؤں کا اظہار بھی کیا۔ اس موقع پر ڈپٹی ڈی ایس حمدان نزیر کا کہنا تھا کہ وہ محکمے کی ترقی کیلئے مزید محنت اور ٹیم ورک کے طور پر کام کریں گے۔