اجلاس میں ایڈیشنل چیف سیکریٹری لوکل گورنمنٹ اور دیگر افسران نے شرکت کی۔غیر قانونی تعمیرات کے حوالے سے 15 دن کی مہلت دیتے ہوئے وزیر بلدیات سندھ سید ناصر حسین شاہ نے کہا کہ 15 دن کے بعد کسی بھی افسر کی شکایت آۓ ڈی جی بلاتفریق ایکشن لے۔ایس بی سی اے کے اینٹیلیجنس نظام میں بہتری لائی جائے۔روزانہ کی بنیاد پر مانیٹرنگ رپورٹ پیش کی جائے۔غیر قانونی تعمیرات کو مسمار کرنے کے لیے خصوصی ٹیم تشکیل دی جائے۔چیٸرمین بلاول بھٹو کی ہدایت ہے کہ عوام کی بہتری کے لیے ون ونڈو آپریشن کو بہتر بنایا جائے۔ایس بی سی اے میں آنے والے افراد سے ہر ممکن تعاون کیا جائے۔عوام کی سہولت کے لیے ٹاٶن کی سطح پر ایس بی سی اے کا نیٹ ورک بنایا جائے۔سندھ بلڈنگ کنٹرول اتھارٹی کی لیگل ٹیم کو مذید فعال کیا جائے گا۔کے ڈی اے، ماسٹر پلان سمیت دیگر متعلقہ اداروں کا ایس بی سی اے کے ساتھ کوآرڈینیشن قاٸم کی جائے۔مخدوش عمارتوں کے متاثرین کو عارضی بنیاد پر رہاٸش کا بندوبست کیا جائے ۔متاثرین کے لیے ایسے اقدامات کیے جاٸیں کہ لوگوں کا حکومت پر اعتماد قاٸم رہے۔ ناصر شاہ نے کہا کہ نئے بلدیاتی قوانین میں ایس بی سی اے کے حوالے سے تجاویز شامل کی گئی ہیں ۔
وزیر بلدیات سندھ ناصر حسین شاہ کی زیر صدارت سندھ بلڈنگ کنٹرول اتھارٹی کا اجلاس،غیر قانونی تعمیرات کے خلاف کارروائی کے لئے 15 روز کی مہلت
