چہلم حضرت امام حسینؑ اور حضرت داتا گنج بخش علی ہجویریؒ کے 983ویں سالانہ عرس مبارک کے موقع پر ستھرا پنجاب ایجنسی لاہور کی جانب سے شہر بھر میں مثالی صفائی انتظامات یقینی بنائے گئے۔زائرین کو بہترین صفائی سہولیات فراہمی ممکن بنانے کے لیے سی ای او شہریار عارف خان صفائی انتظامات کا جائزہ لینے داتا دربار پینچ گئے۔سی ای او شہریار عارف خان نےڈپٹی سی ای اوالطاف انصاری، مبین احسن اور ڈی جی ایم آپریشنز کے ہمراہ عرس تقریبات سے قبل اور دوران خود داتا دربار کے اطراف، جلوس کے روٹس اور والڈ سٹی کے مختلف علاقوں کا دورہ کیا اور خصوصی صفائی آپریشن کا جائزہ لیا۔راوی ٹاؤن اور داتا گنج بخش ٹاؤن میں جلوس کے راستوں، امام بارگاہوں، داتا دربار اور ملحقہ شاہراہوں پر صفائی ستھرائی پر تعینات صفائی عملے کی حاضری بھی چیک کی۔سی ای او شہریار عارف خان کا اس حوالے سے کہنا ہے کہ عرس حضرت داتا گنج بخشؒ اور چہلم حضرت امام حسینؑ کے موقع پر 700 سے زائد صفائی ورکرزامام بارگاہوں، جلوسوں کے روٹس اور ملحقہ علاقوں میں تینوں شفٹوں میں خصوصی صفائی آپریشن پر تعینات کیے گئے۔والڈ سٹی میں 370 صفائی ورکرز مینوئل سویپنگ، واشنگ اور ویسٹ کلیئرنس یقینی بنانے کے لیے مامور کیے گئے۔مغل حویلی، نثار حویلی، کوتوالی چوک، سنہری مسجد، رنگ محل، پانی والا تالاب، ٹبی تھانہ، تحصیل بازار، اڈا حکیمہ، بھاٹی گیٹ، کربلا گامے شاہ، دہلی گیٹ، گلی سورج سنگھ، مسجد وزیر خان سمیت چہلم جلوس کے تمام راستوں پر صفائی ٹیمیں تعینات کی گئیں۔موثر صفائی اقدامات کے تحت خصوصی صفائی آپریشن پر ستھر پنجاب ایجنسی لاہور کے26 رکشہ واشرز، مکینیکل واشرز، مکینیکل سویپرز اور واٹر باؤزرز جلوس کے راستوں، داتا دربار سے ملحقہ گلیوں اور بازاروں میں مسلسل پانی کے چھڑکاؤ، مکینیکل واشنگ اور مینوئل سویپنگ پر تعینات کیے گئے۔عرس تقریبات اور چہلم کے جلوسوں کے اختتام پر تمام روٹس، امام بارگاہوں اور ملحقہ علاقوں میں زیرو ویسٹ آپریشن کیا گیا۔مزید برآں وزیرِ اعلیٰ پنجاب مریم نواز شریف کے ویژن ستھرا پنجاب کے تحت ستھرا پنجاب اتھارٹی ہیڈکوارٹر کنٹرول روم سے تینوں روزصفائی آپریشن کی مانیٹرنگ بھی کی گئی ۔
زائرین کو بہترین صفائی سہولیات فراہمی کیلئےسی ای او شہریار عارف خان خود افسران کے ہمراہ فیلڈ میں متحرک رہے
