ڈپٹی کمشنر لاہور کیپٹن (ر) محمد علی اعجاز نے لاہور پریس کلب کے نومنتخب صدر ارشد انصاری اور جنرل سیکرٹری افضال طالب سے ڈی سی آفس میں ملاقات کی جہاں صحافی برادری سے متعلق امور اور باہمی تعاون کے فروغ پر تفصیلی تبادلہ خیال کیا گیا، ڈپٹی کمشنر لاہور نے نومنتخب باڈی کو کامیابی پر مبارکباد دیتے ہوئے نیک خواہشات کا اظہار کیا اور صدر ارشد انصاری اور ان کی ٹیم کو نئی ذمہ داریاں سنبھالنے پر خوش آمدید کہا، اس موقع پر انہوں نے اس امر پر زور دیا کہ لاہور پریس کلب صحافیوں کی آواز اور پیشہ ورانہ اقدار کے فروغ کا ایک اہم مرکز ہے اور مثبت صحافت کے فروغ میں اس کا کردار ہمیشہ نمایاں رہا ہے، انہوں نے واضح کیا کہ ضلعی انتظامیہ اور پریس کلب کے درمیان ورکنگ ریلیشن شپ کو مزید مضبوط بنایا جائے گا تاکہ صحافی برادری کی بہتری اور مؤثر رابطہ کاری کو یقینی بنایا جا سکے، ڈپٹی کمشنر لاہور نے کہا کہ جنرل سیکرٹری افضال طالب کے ساتھ مل کر صحافیوں کی فلاح و بہبود کیلئے عملی اقدامات جاری رکھے جائیں گے اور باہمی تعاون کو مزید وسعت دی جائے گی، یہ ادارہ جاتی ہم آہنگی وزیراعلیٰ پنجاب کے وژن کے مطابق مثبت طرز حکمرانی، مؤثر عوامی رابطہ اور پیشہ ورانہ معیار کے استحکام کا مظہر ہے جو بالآخر بہتر عوامی آگاہی، شفافیت اور شہری سہولت کے فروغ کا باعث بنے گا۔
