وزیراعلی پنجاب مریم نوازشریف فیصل آباد میں یونیورسٹی آف ایگریکلچر پہنچ گئیں ۔ایک ہزار ایگریکلچر گریجوایٹس کو ماہانہ 60ہزار روپے سکالر شپ دیا جائے گا۔ وزیراعلی مریم نوازشریف نے ایگریکلچر گریجوایٹس طلبا و طالبات میں اپوائنٹمنٹ لیٹر تقسیم کئے۔ وزیراعلی مریم نوازشریف نے یونیورسٹی آف ایگریکلچرکے اساتذہ اور طلبہ سے بھی ملاقاتیں کیں ۔تقریب سے صوبائی وزیر زراعت عاشق حسین کرمانی اور سیکرٹری زراعت افتخار سہو نے بھی خطاب کیا۔وزیر اعلیٰ مریم نواز شریف نے طلبہ کے پاس جا کر میرٹ پر سیلیکشن کے بارے میں دریافت کیا، طلبہ نے سیلفیاں بھی بنوائی۔وزیر اعلیٰ مریم نواز شریف نے نعت رسول مقبول پیش کرنے والی انیلہ حسین کو اپنی نشست سے آٹھ کر شاباش دی
سینٹر پرویز رشید، وفاقی مشیر رانا ثناء اللہ، سینئر منسٹر مریم اورنگزیب،صوبائی وزیر اطلاعات و ثقافت عظمی زاہد بخاری،معاون خصوصی ذیشان ملک ، طلال چوہدری،ایم پی اے ثانیہ عاشق، عابد شیر علی،چیف سیکرٹری زاہد اختر زمان، آئی جی اور سیکرٹری زراعت، سیکرٹری اطلاعات دیگر حکام بھی موجود تھے
وزیر اعلیٰ پنجاب مریم نواز شریف نے فیصل آباد کے لئے متعدد میگا پراجیکٹس کا اعلان کیا۔ لاہور کے بعد فیصل آباد میں پاکستان کا دوسرا آئی ٹی سٹی اور سفاری پارک بنانے کی تجویز پر اتفاق ہو گیا۔فیصل آباد شہر میں اگلے سال سے میٹرو بس پراجیکٹ بنے گا۔
وزیر اعلیٰ مریم نواز شریف کی فیصل آباد میں بین الاقوامی معیار کا سفاری پارک قائم کرنے کی ہدایت کی۔ فیصل آباد شیخوپورہ روڈ اپ گریڈیشن کی ہدایت بھی کی۔وزیر اعلٰی مریم نواز شریف نے فیصل آباد کمشنر آفس کا دورہ بھی کیا۔وزیر اعلیٰ مریم نواز شریف کو فیصل آباد ڈویژن میں جاری صحت، تعلیم، روڈز ، انفراسٹرکچر اور میونسپل سروسز پراجیکٹس اور امن و امان کی صورتحال پر تفصیلی بریفنگ دی گئی۔
