وزیر اعلیٰ پنجاب مریم نواز کی ہدایت پر شہر لاہور میں آپریشن کلین اپ جاری ہے۔ایل ڈبلیو ایم سی کی جانب سے خصوصی صفائی اقدامات کے تحت گزشتہ 3 روز میں 20 ہزار ٹن سے زائد کوڑا ٹھکانے لگا دیا گیا،مختلف مقامات پر موجود 500 سے زائد اوپن ہیپس اور اوپن پلاٹس کی کلیئرنس مکمل کر لی گئی۔موثرصفائی انتظامات یقینی بنانے کے لیے سی ای او بابر صاحب دین خودفیلڈ میں متحرک رہے اور مختلف علاقوں میں سرپرائز چیکنگ کی۔آپریشن ٹیموں کو پی ایچ اے کے ساتھ مل کر تمام گرین بیلٹس کی صفائی یقینی بنانے،روڈ سائیڈ سے مٹی ہٹانے کیلئے صفائی عملے کو سکریپنگ ایکٹیویٹی جاری رکھنے اور کینال روڈ پر موجود تمام پیڈسٹرین بریجز کی صفائی ستھرائی یقینی بنانے کی ہدایات جاری کیں۔مزید برآں ٹھوکر چوک، رائیونڈ روڈ، بھوبتیاں چوک، اڈا پلاٹ، پائن ایونیو پر صفائی ستھرائی کے انتظامات کا جائزہ لیا۔دھرم پورہ، ہربنس پورہ، کینال روڈ کا دورہ، سروس لینز پر خصوصی صفائی ایکٹیویٹی کے احکامات جاری کیے جبکہ شیخ زید ہسپتال، جناح ہسپتال، ڈاکٹر ہسپتال کے گرد بھی صفائی انتظامات کا جائزہ لیا۔ سی ای او بابر صاحب دین کا کہنا ہے کہ لاہور کی صفائی میں کوتاہی کسی صورت قابل قبول نہیں۔افسران خود فیلڈ میں موجود رہ کر ورکرز کی 100 فیصد حاضری یقینی بنائیں۔ شہریوں سے بھی گزارش ہے کہ اپنے ارد گرد کے ماحول کو صاف ستھرا رکھنے کیلئے ایل ڈبلیو ایم سی ٹیموں کا ساتھ دیں۔شکایات کے فوری ازالے کیلئے ایل ڈبلیو ایم سی کی ہیلپ لائن 1139 پر رابطہ کریں یا سوشل میڈیا کا استعمال کریں۔
