ضلعی انتظامیہ لاہور کے تحت سول ڈیفنس میں کرپشن کے خاتمے کے لیے ڈپٹی کمشنر لاہور سید موسیٰ رضا نے سخت اقدامات اٹھائے ہیں۔ موصولہ شکایات کی روشنی میں بدعنوان رضا کاروں کو برطرف کیا گیا اور عوام کو ہدایت دی گئی کہ وہ کسی بھی سول ڈیفنس اہلکار کو ذاتی حیثیت میں چیکنگ کی اجازت نہ دیں۔ انتظامیہ نے تمام اسسٹنٹ کمشنرز کو فیلڈ میں تعینات کر کے زیرو ٹالرنس پالیسی پر عملدرآمد یقینی بنایا ہے۔ سول ڈیفنس کے نام پر بدعنوانی کرنے والوں کے خلاف سخت قانونی کارروائی کے احکامات جاری کیے گئے اور محکمہ میں شفافیت بڑھانے کے لیے مؤثر اقدامات کیے جا رہے ہیں۔ ضلعی انتظامیہ مکمل طور پر کرپشن فری اور شفاف نظام قائم کرنے کے عزم کے تحت سول ڈیفنس کی کارکردگی کو فروغ دے رہی ہے۔
*ڈپٹی کمشنر لاہور سید موسیٰ رضا نے موصولہ شکایات کی روشنی میں بدعنوان رضا کاروں کو برطرف کر دیا*
