چیئرمین پی اینڈ ڈی بورڈ بیرسٹر نبیل احمد اعوان کی زیر صدارت صوبائی ترقیاتی ورکنگ پارٹی اجلاس میں 21 ارب 50 کروڑ کے فنڈز کی منظوری دے دی گئی ۔ فنڈز کی منظوری صوبائی ترقیاتی ورکنگ پارٹی کے 40 ویں اجلاس میں دی گئی- اجلاس میں پنجاب پولیس کے مربوط کمانڈ، کنٹرول اور مواصلات نظام کیلئے12 ارب 62 کروڑ کے فنڈز کی منظوری دی گئی جس کے تحت تین شہروں میں پنجاب پولیس کے مربوط کمانڈ ،کنٹرول اور مواصلاتی نظام کو بہتربنایا جائیگا – فنڈز فیصل اباد ، گوجرانوالہ اور راولپنڈی پنجاب پولیس کے مربوط کمانڈ، کنٹرول اور مواصلاتی نظام کی بہتری کے لیے خرچ ہونگے-اجلاس میں گرین انرجی پروگرامرز کے لئے 6 ارب کے فنڈز ،چیف منسٹر سکلڈ پنجاب پروگرام کے لیے 3 ارب کے فنڈز جبکہ جیکا گلی چوک مری کی ری ماڈلنگ کیلئے 86 کروڑ کے فنڈز کی منظوری بھی دے دی گئی ۔ صوبائی ورکنگ پارٹی اجلاس میں نیازی انٹر چینج سے بابو سابو انٹرچینج کے کنٹرولڑ ایکسس کوریڈور کے لیے 11 ارب 79 کروڑ کا کیس ایکنک کو برائے منظوری بھیج دیا گیا۔- اجلاس میں سیکرٹری پی اینڈ ڈی بورڈ ڈاکٹر آصف طفیل، چیف اکانومسٹ مسعود انور،ممبران بورڈ اور متعلقہ محکموں کے سیکرٹریز نے شرکت کی –
