کمشنر فیصل آباد راجہ جہانگیر انور کا جھنگ کی تحصیل شورکوٹ کا دورہ کیا ۔اسسٹنٹ کمشنر شورکوٹ کے ہمراہ میرک سیال کا دورہ کیا،سیلابی صورتحال سے قبل گندم سٹوریج پوائنٹ سے برقت گندم کی دوسرے اضلاع میں منتقلی پر تحصیل انتظامیہ کی کارکردگی کو سراہا۔فلڈ ریلیف کیمپ کا بھی وزٹ کیا اور انتظامات کا جائزہ لیا گیا۔۔
سیلاب متاثرین سے ملاقات اور سہولیات کی فراہمی کے حوالے سے تفصیلی دریافت کیا۔ کمشنر فیصل آباد نےسیلاب متاثرین کا انتظامات کی فراہمی کے حوالے سے اطمینان کا اظہار کیا۔سپورٹس کمپلیکس میں سیلاب متاثرین بچوں کو فراہم کی جانے والی سپورٹس کی سرگرمیوں کو سراہا۔ڈویژنل کمشنر نے باہو پل کا بھی دورہ کیا اور بریچنگ پوائنٹ پر اسسٹنٹ کمشنر سے بریفنگ لی۔تحصیل شورکوٹ میں دریائے چناب کے ساتھ دریائے راوی کا پانی بھی داخل ہوا ہے۔کمشنر فیصل آباد راجہ جہانگیر انور نے کہا ہے کہ وزیر اعلیٰ پنجاب مریم نواز شریف کی ہدایت پر سیلاب متاثرین کو کھانا،راشن،خیمے،دودھ اور صاف پانی فراہم کیا جا رہا ہے۔ریسکیو ٹیمیں بھی دریا کے نشیبی علاقوں میں موجود ہیں۔سیلاب متاثرین کو کلینک آن بوٹ اور فلڈ ریلیف کیمپس پر طبی سہولیات کی فراہمی بھی جاری ہے۔
