نوجوانوں کو آرٹیفیشل انٹیلی جنس ، ڈیٹا سائنس اور ڈیجیٹل ٹرانسفارمیشن میں آگے بڑھنا ہوگا، سید مراد علی شاہ

وزیراعلیٰ سندھ سید مراد علی شاہ نے کہا ہے کہ ہمارے نوجوان میں عالمی سطح پر معنی خیر کردار ادا کرنے کی بے پناہ صلاحیتیں موجود ہیں۔ انہوں نے گریجویٹس طلبہ کو مشورہ دیتے ہوئے کہا کہ آپ ہمدردی، دیانتداری اور سماجی ذمہ داری کے ساتھ رہنمائی کریں اور حقیقی قیادت ذاتی کامیابی سے بالاتر ہوتی ہے۔

انہوں نے یہ بات بروز ہفتہ آئی بی اے کراچی کے کانووکیشن سے خطاب کرتے ہوئے کہی۔ وزیراعلیٰ سندھ نے کہا کہ محنت اور لگن سے کامیاب تمام گریجویٹس کو مبارکباد دیتا ہوں، آج ہم آپکی تعلیمی کامیابیوں اور استقامت کا جشن منا رہے ہیں ، جو آپ کے والدین اور اساتذہ کی محنت سے آپ کی قابلیت اجاگر ہوئی ہے۔ وزیراعلیٰ سندھ نے کہا کہ تعلیم، قیادت اور جدت کے 70 برس آئی بی اے کراچی اگلے سال مکمل کرے گا۔ انہوں نے مزید کہا کہ 70 سالہ کی ہنر کو پروان چڑھانے اور رہنماؤں کی تشکیل آئی بی اے کی میراث ہے ۔ یہ سنگ میل آئی بی اے فیکلٹی، انتظامیہ اور طلباء کی لگن اور وژن کی عکاسی کرتا ہے۔ آئی بی اے کراچی کی تعلیمی فضیلت سے وابستگی اس تقریب کا مرکزی نقطہ ہے۔ آئی بی اے کی 67 فیصد فیکلٹی کے پاس پی ایچ ڈی کی ڈگریاں ہیں۔ یہ انسٹیٹیوٹ ایک بہترین تعلیمی ماحول کو فروغ دینا جاری رکھے ہوئے ہے۔ وزیراعلیٰ سندھ نے قوم کی تشکیل میں آئی بی اے جیسے اداروں کی اہم کردار پر زور دیا۔ انہوں نےکہا کہ آپ (طلبہ) کو آرٹیفیشل انٹیلی جینس ، ڈیٹا سائنس اور ڈیجیٹل ٹرانسفارمیشن میں پیشرفت کو اپنانا چاہیے۔ انہوں نے فخر کرتے ہوئے کہا کہ ہمارے نوجوان میں عالمی سطح پر معنی خیر کردار ادا کرنے کی بے پناہ صلاحیتیں موجود ہیں۔ آئی بی اے کراچی کے 18000 سابق طلباء کا نیٹ ورک اہم اثاثہ ہے، سابق طلباء نے مختلف شعبوں میں قابل ذکر خدمات کی ہیں ۔ وزیراعلیٰ سندھ نے گریجویٹس کو مشورہ دیتے ہوئے کہآپ ہمدردی، دیانتداری اور سماجی ذمہ داری کے ساتھ رہنمائی کریں، حقیقی قیادت ذاتی کامیابی سے بالاتر ہوتی ہے۔ آپ نے یہاں جو علم اور مہارت حاصل کی ہے اسے معاشرے میں مثبت تبدیلی لائیں۔ دیانتداری کے اعلیٰ ترین معیارات کو برقرار رکھنے کے لیے اپنی صلاحیتیں استعمال کریں۔ وزیراعلیٰ سندھ نے کانووکیشن کو گریجویٹس اور انکے اہل خانہ کے لیے ایک قابل فخر لمحہ قرار دیا ۔ ایگزیکٹو ڈائریکٹر آئی بی اے ڈاکٹر اکبر زیدی نے تقریب میں شرکت کرنے پر وزیراعلیٰ سندھ شکریہ ادا کیا۔ وزیراعلیٰ سندھ نے کانووکیشن میں پوزیشن ہولڈرز کو میڈلز اور اسناد تقسیم کیں۔