ڈی سی لاہور سید موسیٰ رضا نے تحصیل سٹی کے مختلف مقامات کے دورے کئے. داتا دربار و اطراف میں تجاوزات، لاہور ڈویلپمنٹ پلان کے تحت شفیق آباد، سبزہ زار و گلشن راوی میں صفائی اقدامات کا جائزہ لیا گیا. اسسٹنٹ کمشنر نے بریفنگ دیتے ہوئے بتایا کہ داتا دربار کے اطراف میں 46 کنال اراضی پر قابضین تجاوزات قائم کئے ہوئے ہیں.
انہوں نے کہا کہ منظم پلان کے تحت ایکشن لیکر تجاوزات کا خاتمہ یقینی بنایا جائے گا، اسسٹنٹ کمشنر سٹی کی. انہوں نے کہا کہ قابضین سے 46 کنال اراضی چھڑوا کر داتا دربار کے احاطے میں شامل کی جائے گی. ڈی سی لاہور نے کہا کہ داتا دربار کے اطراف میں گرین بیلٹس کی خوبصورتی کو برقرار رکھنے کے لئے جنگلے لگائے جائیں، ڈی سی لاہور نے داتا دربار کے اطراف میں پارکنگ اسٹیندز کا بھی جائزہ لیا. ڈی سی لاہور نے کہا کہ غیر قانونی پارکنگ اسٹیندز ہرگز قائم نہ ہونے دئیے جائیں. انہوں نے کہا کہ پارکنگ اسٹیندز پر اوورچارجنگ کے معاملے پر زیرو ٹالرینس پالیسی اپنائی جائے، ڈی سی لاہور نے کہا کہ پارکنگ اسٹینڈز پر اوورچارجنگ کی نشاندہی کی جائے اور سخت ایکشن لیا جائے، ڈی سی لاہور نے کہا کہ ٹریفک کے بہاؤ کو بہتر بنانے کے لئے سڑک کنارے پارکنگ کو ختم کروایا جائے. ڈی سی لاہور سید موسیٰ رضا نے کہا کہ لاہور ڈویلپمنٹ پلان کے تحت یو سی 48 میں ایم سی ایل کی سکیم نمبر 05 شفیق آباد میں تعمیراتی کام کا معائنہ کیا. ڈی سی لاہور نے کہا کہ تعمیراتی کاموں کے معیار میں کسی قسم کا کوئی سمجھوتہ نہیں کیا جائے گا، ڈی سی لاہور نے کہا کہ گلیوں کی پختگی اور خوبصورتی کے لئے منظور شدہ ٹف ٹائلز ڈیزائن ہی لگایا جائے. ڈی سی لاہور سید موسیٰ رضا نے سبزہ زار و گلشن راوی میں صفائی میکانزم کا بھی جائزہ لیا. ڈی سی لاہور نے کہا کہ جامع حکمت عملی کے تحت صفائی میکانزم پر آپریشن جاری رکھا جائے. ڈی سی لاہور نے کہا کہ خانہ بدوشوں و جانوروں کے مستقل انخلاء کے لئے پلانز مرتب کئے جائیں اور صفائی اقدامات کو برقرار رکھنے کے لئے تمام میسر وسائل بروئے کار لائے جائیں. سی او ایم سی ایل شاہد عباس کاٹھیا، اسسٹنٹ کمشنر سٹی، ڈپٹی سی او ایل ڈبلیو ایم سی و دیگر بھی ڈی سی لاہور کے ہمراہ تھے. ڈی سی لاہور سید موسیٰ رضا نے کہا کہ وزیر اعلیٰ پنجاب مریم نواز شریف کی ہدایت پر تجاوزات و صفائی آپریشن جاری ہے.
