وزیر اعلیٰ خیبرپختونخوا علی امین خان گنڈاپور کی زیر صدارت محکمہ سوشل ویلفیئر کا اجلاس منعقد ہوا ۔ صوبائی وزیر سوشل ویلفیئر کے علاؤہ محکمہ سوشل ویلفیئر کے دیگر اعلیٰ حکام ، کمشنر پشاور، ڈی سی پشاور اور دیگر متعلقہ حکام نے شرکت کی۔ اجلاس میں زکوٰۃ اور جہیز فنڈز کے استعمال کے علاؤہ صوبائی حکومت کے دیگر فلاحی اقدامات سے متعلق معاملات پر غور خوض اور اہم فیصلے کئے گئے۔معاشرے کے کمزور اور مستحق طبقوں کے لئے وزیر اعلیٰ علی امین گنڈاپور کے اہم اقدامات۔ جہیز فنڈ کے تحت مستحق بچیوں کی شادیوں کے اجتماعی پروگرام کرانے کا فیصلہ۔ اس مقصد کے لئے ڈویژنل سطح پر اجتماعی تقریبات منعقد کرنے کا فیصلہ کیا گیا ۔ مزید فیصلہ کیا گیا کہ جہیز فنڈز سے صوبے کی 4 ہزار سے زائد مستحق بچیوں کی شادیاں کروائی جائیں گی، شادیوں کی اجتماعی تقریبات صوبائی حکومت کے خرچے پر منعقد کی جائیں گی، شادی کرنے والی ان مستحق بچیوں کو دو، دو لاکھ روپے نقد بھی دئیے جائیں گے۔وزیر اعلٰی خیبر پختونخوا علی امین خان گنڈاپور نے متعلقہ حکام کو شادیوں کے پروگراموں کو جلد حتمی شکل دینے کی ہدایت کی اور کہا کہ ڈویژنل ہیڈکوارٹرز کے بعد اضلاع کی سطح پر بھی شادیوں کے اجتماعی پروگرامز منعقد کئے جائیں، جہیز فنڈز کے تحت شادیوں میں اس بات کو ہر لحاظ سے یقینی بنایا جائے کہ حق صرف حقدار کو ملے۔صوبے میں قائم پناہ گاہوں کو مستقل بنیادوں پر چلانے کے لئے وزیر اعلیٰ کا اہم اقدام۔ پناہ گاہوں کے بجٹ کو صوبائی حکومت کے مستقل بجٹ کا حصہ بنایا جائے، وزیر اعلیٰ کی ہدایت
صوبے میں غیر فعال پناہ گاہوں کو فوری طور پر فعال کیا جائے. وزیر اعلیٰ کا معذوروں کے لئے بھی اہم اقدام، معذور طلبہ کو وہیل چیئر دینے کا فیصلہ،پہلے مرحلے میں اعلیٰ تعلیمی اداروں کے معذور طلبہ کو وہیل چئیرز دیی جائیں گی۔
وزیر اعلیٰ نے متعلقہ حکام کو اس سلسلے میں ضروری ڈیٹا اکٹھا کرنے کی ہدایت کی۔اجلاس میں سینئیر سٹیزنز کے لئے اولڈ ایج ہوم قائم کرنے کا بھی اصولی فیصلہ کے علاوہ اولڈ ایج ہوم میں بزرگ شہریوں کے لئے رہائش کے علاؤہ تفریح کا بھی انتظام کیا جائے گا فیصلہ ہوا۔اجلاس میں یتیم اور یسیر بچوں کے لئے یتیم کارڈ کے اجراء کا بھی اصولی فیصلہ اور یتیم کارڈ کے ذریعے سکول کی سطح کے یتیم اور یسیر بچوں کو پانچ ہزار روپے ماہانہ دینے کی تجویز پیش کی گئی ۔وزیر اعلیٰ کا عمر رسیدہ بیواؤں کے لئے راشن کارڈ کے اجراء کی تجویز سے بھی اتفاق۔ راشن کارڈ کے تحت عمر رسیدہ بیواؤں کو ماہانہ پانچ ہزار روپے دینے کی تجویز ہے۔ وزیر اعلیٰ کی متعلقہ حکام کو ان مجوزہ فلاحی سرگرمیوں کو عملی جامہ پہنانے کے لئے ایک ہفتے میں ورکنگ پلان تیار کرنے کی ہدایت،علی امین گنڈاپور نے کہا کہ
موجودہ صوبائی حکومت بانی چیئرمین کے وژن کے مطابق صوبے کے نادر اور مستحق طبقوں کی کفالت کے لئے پر عزم ہے۔ کمزور اور نادار طبقوں کی کفالت اور سرپرستی اسلامی فلاحی ریاست کی اہم خصوصیات میں سے ہے، صوبائی حکومت سماجی بہبود کے اقدامات کے لئے تمام دستیاب وسائل بروئے کار لائے گی۔
