لاہور میں میڈیکل و ڈینٹل کالجز میں داخلے کے ایم ڈی کیٹ امتحانات جاری ہیں۔ کمشنر لاہور نعمان یوسف نے ڈی سی لاہور کیپٹن ر علی اعجاز کے ہمراہ پنجاب یونیورسٹی ہالز، انٹرمیڈیٹ بورڈ مراکز و دیگر امتحانی مراکز امتحانی مراکز کے دورے کیے۔ کمشنر لاہور نے امتحانی مراکز کے گرد امتحانی پروٹوکولز کیمطابق انتظامات کا بھی جائزہ لیا. انہوں نے ٹریفک روانی، سکیورٹی و چیکنگ کاونٹرز، والدین کیلئے انتظار گاہوں اور واش رومز کا جائزہ لیا۔اس موقع پر گفتگو کرتے ہوئے کمشنر لاہور نعمان یوسف نے کہا ہے کہ آج میڈیکل اینڈڈینسٹری کالجز ایڈمیشن ٹیسٹ (ایم ڈی کیٹ) کے تحت امتحانات ہورہے ہیں، ایم ڈی کیٹ امتحان ہموار، بلاتعطل اور بروقت شروع ہیں۔ انہوں نے کہا کہ امسال ہر امتحانی سنٹر پر نادرا ویریفکیشن سنٹر سے ڈیٹا کے مطابق سٹوڈنٹس کو بڑی سہولت ملی ہے۔ کمشنرلاہور نے کہا کہ امتحانی ہالز کے گرد انتظامیہ کیطرف سے ایس اوپی ز کے مطابق تمام تر انتظامات کو یقینی بنایا گیا ہے، ایم ڈی کیٹ امتحانی مراکز کی حدود میں دفعہ 144نافذ ہے، غیر متعقلہ اشخاص کا داخلہ بند ہے، میڈیکل کیمپس اور ریسکیو کیمپس بمع ایمبولینسز امتحانی مراکز میں مکمل فعال ہیں، تمام مراکز میں نگران و سکیورٹی عملہ فرائض سرانجام دے رہا ہے۔ انہوں نے کہا کہ طلبا و طالبات کے والدین کے بیٹھنے کیلیے علیحدہ بہترین انتظامات کیے گئے ہیں۔ کمشنر لاہور نعمان یوسف نے مزید کہا کہ امتحانی مراکز کے گرد ٹریفک روانی کیلئے ٹریفک پولیس فرائض سرانجام دے رہی ہے، انتظامیہ امتحانات کے اختتام تک تمام تر انتظامات کے ساتھ فیلڈ میں موجود ہے۔
*ایم ڈی کیٹ امتحانی مراکز کی حدود میں دفعہ 144نافذ ہے۔غیر متعقلہ اشخاص کا داخلہ بند ہے۔کمشنر لاہور*
