سی ای او روڈا عمران امین نے روڈا کے آپریشنز سے آگاہ کیا۔ ایگزیکٹو ڈائریکٹرکمرشل روڈا کاشف نے بریفنگ دی۔ سی ای او روڈا عمران نے بریفنگ میں بتایا کہ راوی اربن ڈویلپمنٹ اتھارٹی کا اہم ترین مقاصد میں گرین، صحت مند ماحول سے آراستہ ڈویلپمنٹ ہے۔ روڈا دریائے راوی میں گرنے والے آلودہ پانی کیلئے 8ویسٹ واٹر ٹریٹمنٹ پلانس لگائے گا۔ بریفنگ میں بتایا کہ دریائے راوی میں 3بیراج بنیں گے۔ جن سے گراونڈ واٹر ریچارج اور روڈا کیلئے پانی دستیاب ہوگا۔ عمران امین سی ای او روڈا نے بتایا کہ روڈا محمود بوٹی ڈمپنگ سائٹ پر جنگل لگانے کیلئے ایل ڈبلیوایم سی کیساتھ کام کر رہا ہے۔ کمشنر لاہور زید بن مقصود نے کہا کہ روڈا اور واسا دریائے راوی میں گرنے والے آلودہ پانی کی ٹریٹمنٹ کیلئے ورکنگ کررہے ہیں۔ کمشنر لاہور نے کہا کہ راوی اربن ڈویلپمنٹ اتھارٹی(روڈا) کا لاہور کی جدید ترین فارمیشن میں کلیدی کردار ہوگا۔ کمشنر لاہور زید بن مقصود نے کہا کہ روڈا ایریاز میں لاہور و شیخوپورہ انتظامیہ کی جانب سے مکمل سپورٹ فراہم کی جارہی ہے۔ اجلاس میں ایگزیکٹو ڈائریکٹر انجینئرنگ بریگیڈیئر (ر) عبدالوحید خان، ایگزیکٹو ڈائریکٹر آپریشنز نوید ریاض سمیت روڈا مارکیٹنگ افسران نے شرکت کی۔
