ڈی جی ایل ڈی اے طاہر فاروق کی زیر صدارت ایل ڈی اے ریونیو جنریشن بارے اہم اجلاس منعقد ہوا۔ اجلاس میں ڈی جی ایل ڈی اے طاہر فاروق نے ٹاؤن پلاننگ ونگ کو ریکوری مہم تیز کرنے کی ہدایت کی۔ڈی جی ایل ڈی اے طاہر فاروق نے ہدایت کی کہ ٹاؤن پلاننگ افسران دفاتر سے نکلیں اور فیلڈ میں متحرک نظر آئیں۔ افسران ریکوری کے لیے فیلڈ میں کیمپ لگائیں، ریکوری پراسس آسان بنائیں۔ غیر قانونی کمرشل سرگرمیوں پر عائد جرمانوں کی ریکوری یقینی بنائی جائے۔ غیر قانونی کمرشل سرگرمیاں کرنے والے والوں کے خلاف سخت ایکشن کیا جائے۔
اجلاس میں نئی کمرشل ہونے والی 8 شاہراہوں پر غیر قانونی کمرشل سرگرمیوں کی روک تھام بارے کیے گئے اقدامات بارے بریفنگ دی گئی۔ڈائریکٹر فنانس کاشف عمران نے ریونیو جنریشن کے اہداف کے حصول بارے بریفنگ دی۔اجلاس میں چیف ٹاؤن پلانر ون اور ٹو نے ریونیو جنریشن کے اہداف بارے بریفنگ دی۔ایل ڈی اے رواں مالی سال کی دوسری اکشن آئندہ ماہ نومبر میں کرے گا۔ڈائریکٹر آکشن علی بن سہیل نے آئندہ اکشن اور بیلٹنگ بارے بریفنگ دی۔ایل ڈی اے اپنی سکیموں کے رہائشی پلاٹوں کو بیلٹنگ کے زریعے فروحت کے لیے بھی جلد پیش کرے گا۔جوہر ٹاؤن، تاج پورہ، جوبلی ٹاؤن میں 5،7 اور 10 مرلے کے رہائشی پلاٹ قرعہ اندازی میں رکھے جائیں گے۔ٹاؤن شپ مارکیٹ میں 10.8 کنال جگہ پر دکانوں کے لیے جگہ اکشن میں رکھی جائے گی۔آئندہ اکشن میں کمرشل و رہائشی پلاٹ، پٹرول پمپ سائٹس و دیگر رکھی جائیں گی۔اجلاس میں چیف ٹاؤن پلانر ٹو، چیف ٹاؤن پلانر ون، ڈائریکٹر فنانس، ڈائریکٹر ریونیو، ڈائریکٹر آکشن نے شرکت کی۔
