وزیراعظم پاکستان کی جانب سے شہریوں کی سہولت کے لیے پٹرولیم مصنوعات پر سبسڈی کا عمل جاری ہے۔ کمشنر لاہور نعمان یوسف نے شہر کے متفرق پٹرول پمپس کا دورہ کیا اور پٹرولیم مصنوعات سبسڈی و انتظامی مانیٹرنگ کا جائزہ لیا۔ کمشنر لاہور نے آوٹ فال روڈ سگیاں، ایم اے او کالج عقب روڈ پٹرول سٹیشنز کا دورہ کیا اور وزیراعظم پاکستان پٹرولیم مصنوعات سبسڈی کے تحت شہریوں کو فیول فروخت کا جائزہ لیا۔ انہوں نے پی ایس او کے 2، یورو اور ٹوٹل کے ایک ایک پٹرول اسٹیشنز کو چیک کیا۔ کمشنر لاہور نے شہریوں کی سہولت کیلئے پٹرول پمپس پر قائم انتظامیہ کے فسیلٹیشن کاونٹرز کی کارکردگی کا جائزہ لیا اور سبسڈی کے تحت پٹرول پمپس کا ریکارڈ چیک کیا۔ انہوں نے پٹرول پمپس پر موجود شہریوں سے سبسڈی کے تحت فیول فراہمی کے بارے میں دریافت کیا۔اس موقع پر گفتگو کرتے ہوئے کمشنر لاہور نعمان یوسف نے کہا ہے کہ وزیراعظم فیول سبسڈی کے تحت پراسیس کے مطابق شہریوں کو فراہمی جاری ہے، شہری کسی بھی مشکل کی صورت میں پٹرول پمپس پر قائم کاونٹرز سے مدد لیں۔ کمشنر لاہور نے کہا کہ شہریوں کی سہولت مقدم ہے حکومت کی جانب سے سبسڈی شہریوں تک پہنچ رہی ہے، ڈپٹی کمشنرز اور اسسٹنٹ کمشنرز براہ راست پٹرول پمپس سے جاری سبسڈی کو مانیٹر کررہے ہیں۔
*ڈی سی ز اور اے سی ز براہ راست پٹرول پمپس سے جاری سبسڈی کو مانیٹر کررہے ہیں۔کمشنر لاہور*
