*بابا گورونانک کے جنم دن کی تقریبات میں 5 ہزار سے زاٸد افسران و اہلکاران یاتریوں کی خدمت پر مامور ہیں۔کمشنر لاہور ڈویژن*

کمشنر لاہور ڈویژن مریم خان اور آر پی او شیخوپورہ رینج اطہر اسماعیل نے بابا گورونانک دیو جی کے 556 ویں جنم دن کی تقریبات کے موقع پر گردوارہ جنم استھان کا دورہ کیا۔ کمشنر لاہور نے پیر احمد شاہ، مانوالہ، شاہکوٹ، مانگٹانوالہ روڈز کا دورہ کیا اور صفائی ستھرائی، میونسپل، حفاظتی و دیگر انتظامات کا جائزہ لیا۔ کمشنر لاہور ڈویژن نے گوردوارہ جنم استھان میں ارداس میں شمولیت اختیار کی، سکھ رہنماٶں کی جانب سے کمشنر لاہور مریم خان اور آر پی او اطہر اسماعیل سمیت دیگر افسران کو سروپے بھی پہنائے گئے، سکھ رہنماؤں نے کہا کہ ضلعی انتظامیہ نے جنم دن کے موقع پر بہترین انتظامات کیے ہیں، دنیا بھر سے آئے سکھ یاتریوں نے بہترین انتظامات پر خوشی کا اظہار کیا۔کمشنرلاہورڈویژن مریم خان نے کہا کہ بابا گورونانک کے جنم دن کی تقریبات آج رات بھوگ کی رسم کے ساتھ اختتام پذیر ہو جائیں گی، بابا گورونانک کے جنم دن کی تقریبات میں 5 ہزار سے زاٸد افسران و اہلکاران یاتریوں کی خدمت پر مامور ہیں، انہوں نے کہا کہ گوردوارہ میں ہسپتال سمیت فسیلیٹیشن ڈیسک کام کررہے ہیں۔ کمشنر لاہور نے کہا کہ بھارت سے سینکڑوں سکھ یاتری بابا گورونانک کے جنم دن کی تقریبات میں شریک ہیں، سکھ یاتریوں کی رہائش اور سکیورٹی کے فول پروف انتظامات ہیں، سی سی ٹی وی کیمرے نصب اور 3 کنٹرول رومز قائم ہیں جبکہ صفائی و کھانے کے بہترین انتظامات ہیں۔کمشنر لاہور نے مزید کہا کہ وزیر اعلٰی پنجاب کی ہدایات پر جنم دن کی تقریبات کے بہترین انتظامات کو یقینی بنایا گیا ہے، ہزاروں سکھ یاتری جنم دن کی تقریبات میں شرکت کے لیے ننکانہ صاحب میں موجود ہیں، بابا گورونانک دیو جی کا ہر مذہب اور ہر مسالک عزت کرتا ہے۔