پنجاب پلاننگ اینڈ ڈویلپمنٹ بورڈ نے مالی سال 2024-25 کے صوبائی ڈویلپمنٹ ورکنگ پارٹی کے 65 ویں اجلاس میں اربن ڈویلپمنٹ سیکٹر کی 2 ترقیاتی سکیموں کے لیے مجموعی طور پر 5 ارب 17کروڑ 50لاکھ 87ہزار روپے کے فنڈز کی منظوری دی۔ اجلاس کی صدارت چیئرمین پلاننگ اینڈ ڈویلپمنٹ بورڈ بیرسٹر نبیل احمد اعوان نے کی۔
صوبائی ورکنگ پارٹی کے اجلاس میں ترقیاتی بورڈ کی جانب سے جن سکیموں کی منظوری دی گئی ان میں لاہور میں قذافی اسٹیڈیم کے ایریا میں نکاسی آب کے بہتر انتظام (ترمیمی) کیلئے 2 ارب 3کروڑ 10لاکھ روپے اور ملتان میں گٹروں کی تبدیلی (فیزII) (ترمیمی) کیلئے 3 ارب 14کروڑ 40لاکھ 87ہزار روپے شامل ہیں۔
اجلاس میں صوبائی سیکرٹری پی اینڈ ڈی بورڈ ڈاکٹر آصف طفیل سمیت چیف اکانومسٹ محمد مسعود انور، متعلقہ سیکرٹریز، محکمہ جات کے اعلی افسران اور پنجاب پلاننگ اینڈ ڈویلپمنٹ بورڈ کے ممبران نے شرکت کی۔
