پنجاب پلاننگ اینڈ ڈویلپمنٹ بورڈ نے مالی سال 2025-26 کے صوبائی ترقیاتی ورکنگ پارٹی کے 39 ویں اجلاس میں مختلف سیکٹرز کی ترقیاتی سکیموں کے لئے 36 ارب روپے کے فنڈز کی منظوری دے دی گئی ۔ اجلاس کی صدارت چیئرمین پی اینڈ ڈی بورڈ ڈاکٹر نعیم رؤف نے کی ۔اجلاس میں جن منصوبوں کی منظوری دی گئی ان میں پوٹھوہار ریجن میں زراعت کے فروغ کے لیے 7ارب 30 کروڑ , مری میں کشمیر بازار کو وسعت دینے کے لیے 2ارب 70 کروڑ , نارووال شکر گڑھ سے کوٹ نائینان گرلز ڈگری کالج تک سڑک کی تعمیر و مرمت کے لیے 1ارب 14 کروڑ , پنجاب انکلوسو سٹیز پروگرام کے تحت واٹر اینڈ سینیٹیشن سہولیات کی فراہمی کے پروگرام کے لیے 7ارب روپے , ساہیوال کے نارتھ زون میں واٹر سپلائی اور سیوریج سسٹم کی بہتری کے لیے 12 ارب 94 کروڑ , ساہیوال کے ساؤتھ زون میں سیورج سسٹم کی بہتری کے لیے 4ارب 49 کروڑ , ضلع ساہیوال میں سڑکوں کی تعمیر و مرمت کے لیے 41 کروڑ کے فنڈز کی منظوری شامل ہے ۔ صوبائی ترقیاتی ورکنگ پارٹی اجلاس میں 
فیصل آباد کے ماس ٹرانزٹ سسٹم کے سیڈ منی کی فراہمی کے منصوبے کو حتمی منظوری کے لیے سی ڈبلیو پی کو بھیجنے کی منظوری بھی دی گئی۔ اجلاس میں چیف منسٹر پنجاب ہائی پاور ٹریکٹر پروگرام 2025-26 ، ریمپنگ کراپ رپورٹنگ سروسز فار تحصیل لیول ٹیسٹیمیٹس اورڈویلپمنٹ اف کراپڈ لینڈ فورکاسٹ انفارمیشن سسٹم ، ساؤتھ پنجاب میں کھجور کے باغات کی پرموشن کے پروگرام کے پوزیشن پیپرز کی منظوری بھی دی گئی۔صوبائی ترقیاتی ورکنگ پارٹی اجلاس میں چیف اکانومسٹ مسعود انور سیکرٹری زراعت افتخار علی سہو ، ممبران پی اینڈ ڈی بورڈ اور متعلقہ سیکٹرز کے افسران بھی شریک ہوئے۔
