انسپیکشن اینڈ مانیٹرنگ انچارج ستھرا پنجاب پروگرام عاصم محمود کی زیر صدارت ایک اجلاس کے دوران ٹیم کی کارکردگی کا تفصیلی جائزہ لیا گیا۔ اجلاس میں وزیرِ بلدیات پنجاب ذیشان رفیق نے خصوصی طور پر شرکت کی۔ انہوں نے انسپیکشن اینڈ مانیٹرنگ ٹیم کی کارکردگی کو سراہتے ہوئے کہا کہ ٹیم نے صوبہ بھر میں صفائی کے نظام میں نمایاں بہتری لانے کے لئے مئوثر کردار ادا کیا ہے۔ وزیرِ بلدیات نے ہدایت کی کہ ٹیم اسی جذبے، محنت اور ذمہ داری کے ساتھ کام جاری رکھے تاکہ وزیراعلیٰ پنجاب مریم نواز کے وژن کے مطابق ستھرا پنجاب پروگرام کے اہداف میں مزید کامیابی حاصل کی جا سکے۔ اس موقع پر وزیراعلیٰ پنجاب کی سالگرہ کا کیک بھی کاٹا گیا۔
