کلین مشن کی تکمیل کے حوالے سے ڈی سی لاہور سید موسیٰ رضا نے تحصیل شالیمار کے مختلف مقامات کے دورے کیے. انہوں نے سوہوالی روڈ رام گڑھ، نبی پورہ روڈ میں صفائی و دیگر اقدامات کا تفصیلی جائزہ لیا. اسسٹنٹ کمشنر نے بریفنگ میں بتایا کہ صفائی میکانزم اور انفراسٹرکچر ڈویلپمنٹ کے لئے سخت مانیٹرنگ جاری ہے.
ڈی سی لاہور نے کہا کہ صفائی معیار کو برقرار رکھنے کے لئے صفائی میکانزم پر عملدرآمد کروایا جائے. انہوں نے ایل ڈبلیو ایم سی حکام کو ہدایت کی کہ صفائی معاملے میں مزید کوتاہی برداشت نہیں کی جائے گی. ڈی سی لاہور نے کہا کہ جن پوائنٹس پر ابھی بھی گندگی کے ڈھیر موجود ہیں وہاں وزٹ کر کے فی الفور ختم کروائیں، ڈی سی لاہور نے کہا کہ مسلسل دوروں سے صفائی میکانزم میں مثبت پیشرفت نظر آئی، ڈی سی لاہور سید موسیٰ رضا نے ایل ڈبلیو ایم سی کو ہدایت کی کی چند رہ جانے والے پوائنٹس پر صفائی عمل فوری بہتر بنائیں اور برقرار رکھیں. ڈی سی لاہور نے کہا کہ شہری بھی صفائی برقرار رکھنے میں ضلعی انتظامیہ لاہور کا ساتھ دیں، ڈی سی لاہور سید موسیٰ رضا نے کہا کہ وزیر اعلیٰ پنجاب مریم نواز شریف کے کلین مشن کو کامیاب بنانے کے لیے دورے جاری ہیں.
