رائیونڈ میں جاری 6 روزہ سالانہ تبلغی اجتماع میں ایل ڈبلیو ایم سی کی جانب سے صفائی ستھرائی کے بہترین انتظامات یقینی بنائے جا رہے ہیں۔ سی ای او ایل ڈبلیو ایم سی بابر صاحب دین کی ہدایت پر رائیونڈ تبلغی اجتماع صفائی آپریشن کے لیے ایل ڈبلیو ایم سی کے120 سے زائد ورکرز اور 25 سے زائد گاڑیاں اجتماح گاہ کے صفائی انتظامات پر مامور کیے گئے ہیں۔3 واشرز اور ایک واٹر باؤذ راجتماع گاہ کے گرد پانی کے چھڑکاؤ کے لیے تعینات ہیں۔سی ای او ایل ڈبلیو ایم سی کا کہنا ہے کہ رائیونڈ پنڈال جانے والے راستوں پر مکینیکل سویپنگ اور واشنگ کا سلسلہ جاری ہے۔ایل ڈبلیو ایم سی کا عملہ رائیونڈ حویلی اور پنڈال کے گرد مینوئل سویپنگ اور ویسٹ پکنگ کیلئے تینوں شفٹوں میں ورکنگ پر مامور ہے۔6 روزہ تبلیغی اجتماع کے اختتام تک افسران اور ورکرز تینوں شفٹوں میں ڈیوٹی پر موجود رہیں گے۔منگل کے روز شروع ہونے والا تبلیغی اجتماع اتوار کی صبح تک جاری رہے گا۔ ہر سال کی طرح اس سال بھی اجتماع پر آنے والے زائرین کیلئے صفائی کا بہترین بندوبست کیا جا رہا ہے۔ شہریوں کو صاف ستھرا ماحول فراہم کرنا ہی اولین ترجیح ہے۔ اجتماع میں آنے والے شرکاء سے بھی گزارش کی ہے کہ پنڈال اور اس کے اطراف میں صفائی برقرار رکھنے کے لیے ایل ڈبلیو ایم سی کے عملے سے تعاون کریں۔کوڑا پنڈال کے گرد نصب ایل ڈبلیو ایم سی کے کنٹینرز میں ہی ڈالیں۔
6 روزہ سالانہ رائیونڈ تبلیغی اجتماع: صفائی ستھرائی کے بہترین انتظامات کے لئے ایل ڈبلیو ایم سی متحرک ہے،سی ای او بابر صاحب دین
