ڈی جی ایل ڈی اے طاہر فاروق کی ہدایات پر ایل ڈی اے ٹاؤن پلاننگ ونگ غیرقانونی کمرشل عمارتوں، کمرشل فیس نادہندگان املاک کے خلاف متحرک ہے۔ ایل ڈی اے ٹیموں نےمختلف سکیموں اور ایل ڈی اے کنٹرولڈ ایریا میں آپریشن کر کے192املاک سربمہر کر دیں۔ ٹیموں نے رائیونڈ روڈ، جوہر ٹاؤن،گلبرگ، نیو گارڈن، وحد ت روڈ، سبزہ زار، شادمان، گجرپورہ، نیو مسلم ٹاؤن میں کارروائیاں کیں۔ایل ڈی اے ٹیموں نے رائیونڈ روڈ پر غیر قانونی کمرشل استعمال، پینلٹی فیس کی عدم آدائیگی پر 50
دکانیں سیل کر دیں۔
ٹیموں نے جوہر ٹاؤن آر ون، کیو بلاک میں 35املاک،گلبرگ، نیو گارڈن ٹاؤن میں 30املاک، وحد ت روڈ، سبزہ زار میں 22املاک سربمہر کر دیں۔ ٹیموں نے غیرقانونی کمرشل استعمال، کمرشل فیس کی عدم آدائیگی پر شادمان، گجرپورہ، نیو مسلم ٹاؤن میں 55املاک سیل کر دیں۔ سیل کی گئی املاک میں نجی سکول،سپر سٹور، کلینک، کیفے، ریستوران، ورکشاپ،موبائل شاپ، فو ڈ پوائنٹ، دکانیں، دفاتر ودیگر شامل ہیں۔ آپریشن چیف ٹاؤن پلانرون اسد الزمان اور چیف ٹاؤن پلانر ٹو اظہر علی کی زیر نگرانی کیا گیا۔ڈی جی ایل ڈی اے کی ہدایت پر غیرقانونی کمرشل عمارتوں، کمرشل فیس نادہندگان املاک کے خلاف بلاامتیاز کارروائیاں جاری ہیں۔
