لاہور ویسٹ مینجمنٹ کمپنی کی جانب سے سال کے سب سے اہم اور گرینڈ صفائی آپریشن کی جامع حکمتِ عملی کو کامیاب بنانے کے لیے موثر اقدامات کیے جا رہے ہیں۔اس مقصد کے حصول کے لیے ایل ڈبلیو ایم سی نے عید قربان سے قبل تمام سینٹری ورکرز اورآفیسرز کی ٹرانسفر پوسٹنگ کومکمل بین کر دیا ہے۔فیصلے پر عملدرآمد کے لیے ایل ڈبلیو ایم سی انتظامیہ نے نوٹیفیکیشن بھی جاری کر دیا۔ ترجمان ایل ڈبلیو ایم سی عمر چوہدری کے مطابق ٹرانسفر پوسٹنگ پر بین عید قربان میگا صفائی آپریشن کی تیاریوں کے پیش نظر لگایا گیا ہے۔عید قربان میگا صفائی آپریشن کی تیاریاں آخری مراحل میں ہیں۔ٹرانسفر پوسٹنگ پر مکمل بین سے بہترین حکمت عملی مرتب کرنے میں مدد ملے گی، تاہم اخباری اشتہارات میں اعلان کردہ آسامیوں پر امیدواران آنلائن پورٹل پر اپلائی کر سکیں گے۔
