محکمہ بلدیات پنجاب نے نااہلی اور بدانتظامی پر چیف آفیسر ضلع کونسل لودھراں محمد علی کو معطل کر دیا ہے۔ان کے خلاف پیڈا ایکٹ کے تحت کارروائی کی گئی ہے۔محمد علی لوکل گورنمنٹ سروس ایڈمنسٹریشن فنکشنل یونٹ گریڈ 18 کے آفیسر ہیں۔اس سے قبل کمسن بچے کے کھلے میں ہول میں گر کے جاں بحق ہونے کے واقعہ پر ڈپٹی کمشنر لودھراں لبنی نزیر کو عہدے سے ہٹا کر او ایس ڈی بنایا گیا تھا۔جس پر وزیر اعلٰی مریم نواز نے واضع حکم دیا تھا کہ معصوم جان کو سرکاری آفیسر کی غفلت کی بھینٹ نہیں چڑھنے دینگے۔ضلع کونسل لودھراں کے چیف آفیسر کی معطلی دوسرا اہم نوٹیفکیشن ہے۔اس کے برعکس وزیر ہاؤسنگ بلال یاسین قرار دے چکے ہیں کہ کھلے میں ہولز پر ڈھکن لگانے کی ذمہ داری متعلقہ اضلاع کے فعال کئے گئے واسا کی ہے۔
