ڈی جی ایل ڈی اے طاہرفاروق کی ہدایت پر ایل ڈی اے سپورٹس کمپلیکس جوہر ٹاؤن میں ایل ڈی اے کے افسران و عملے کوصحت سے متعلق آگاہی کے لیے خصوصی سیشن کااہتمام کیاگیا۔فاطمہ میموریل ہسپتال کے ڈاکٹر محمد عثمان ریاض نے ایل ڈی اے ملازمین کواپنی صحت بہتر بنانے کے لیے آگہی لیکچر دیا۔ ڈاکٹر عثمان ریاض نے ملازمین کو کرسی پربیٹھنے کے لیے درست پوزیشن کے متعلق آگاہی دی۔ڈاکٹر عثمان ریاض نے آگہی لیکچر میں بتایا کہ دفاتر میں زیادہ دیرتک بیٹھنے والے ملازمین میں کمراورگردن کے مسائل زیادہ پیدا ہوتے ہیں،95فیصدافراد میں زیادہ بیٹھنے کی وجہ سے کمراورگردن کے مسائل پیدا ہوتے ہیں۔فزیوتھراپی کے ذریعے کمراورگردن کے دردسے نجات حاصل کی جاسکتی ہے۔صحت مند طرز زندگی کو برقرار رکھنا مجموعی صحت کے لیے بہت ضروری ہے۔کمراورگردن دردکے مسائل پیدا ہوں تو فوری طور پر سرجری کی طرف نہیں جاناچاہیے۔سیشن میں ملازمین کواپنی صحت بہتر بنانے کے لیے مختلف ایکسرسائززکے متعلق بھی بتایاگیا۔سیشن میں ڈاکٹر عثمان ریاض نے عملے کے مختلف سوالوں کے جوابات دئیے۔سیشن میں چیف ٹاؤن پلانر ون اظہرعلی،ڈائریکٹر سی اینڈ آئی کلیم یوسف، ڈائریکٹر سپورٹس خرم یعقوب ودیگرافسران و عملے نے شرکت کی۔
