ایل ڈی اے کا غیرقانونی ہاؤسنگ سکیموں کے خلاف گرینڈ آپریشن کیا۔ ڈی جی ایل ڈی اے طاہر فاروق کی ہدایت پر ایل ڈی اے ٹیموں کی بلا امتیاز کارروائیاں جاری رکھتے ہوئے ڈائریکٹر میٹرو پولیٹن زون فور نے فیروز پور روڈ کے اطراف میں 7غیر قانونی ہاوسنگ سکیموں کے خلاف آپریشن کیا۔ایل ڈی اے ٹیموں نے غیر قانونی سب ڈویژن المدینہ مارکیٹ ، فیروز پور روڈ کو مکمل مسمار کر دیا۔ ٹیموں نے غیرقانونی سکیموں اور منظور شدہ سکیموں میں غیرقانونی توسیع پر دفاتر، باؤنڈری وال، گیٹ، سڑکیں و دیگر سٹرکچر مسمار کر دیا۔غیرقانونی ہاؤسنگ سکیموں ریحان گارڈن فیز ٹو،تھری، گرینڈ ایونیو، سن سٹی کے خلاف آپریشن کیاگیا۔احمد گارڈن ، الجنت ہومز اور گارڈینو کورٹس کے خلاف کارروائی کی گئی۔آپریشن چیف میٹرو پولیٹن پلاننگ کی زیر نگرانی کیا گیا۔آپریشن سے قبل ان غیر قانونی سکیموں کو متعدد نوٹس جاری کیے گئے تھے۔ڈی جی ایل ڈی اے کے مطابق غیرقانونی رہائشی سکیموں، غیرقانونی تعمیرات و کمرشل سرگرمیوں کے خلاف بلاامتیاز کارروائیاں جاری ہیں۔
