وزیراعلی پنجاب مریم نوازشریف نے صفائی ہیروز کو منفرد انداز میں خراج تحسین پیش کیاہے-عید الاضحی پر بے مثال اور برق رفتار صفائی کے ثمر کے طورپر ورکرز کو انعامی رقوم کے چیک مل گئے -وزیراعلی مریم نوازشریف نے عید الاضحی کے تینوں روزبہترین صفائی انتظامات پر پہلی مرتبہ ورکرز کے لئے 10،10ہزار انعام کا اعلان کیا تھا- وزیراعلی مریم نوازشریف کی ہدایت پر پنجاب کی 123تحصیلو ں میں صفائی ورکرز کے اعزاز میں شاندار اورپر تکلف تقاریب کااہتمام کیا گیا-صفائی ورکرز اپنے لئے تقاریب کے شاندار انتظامات دیکھ کر خوشی سے ناچ اٹھے، ڈھول کی تھاپ پر بھنگڑے ڈالے-پنجاب بھر میں منعقدہ تقریبات میں صفائی ورکرز کو شاندار انداز میں خراج تحسین پیش کیا گیا-صفائی ورکرز پہلی مرتبہ بے مثال پذیرائی پر خوشی سے نہال ہوگئے-صفائی ورکرز کے اعزاز میں تقریبات میں وزیراعلی کی ہدایت پر عوامی نمائندوں نے شرکت کی-مختلف شہرو ں میں تقریبات میں کمشنرز، ڈپٹی کمشنرز اور اسسٹنٹ کمشنرز بھی شریک ہوئے – تقریبات میں وزیراعلی مریم نوازشریف کی ہدایت پر صفائی ورکرز کے اعزاز میں پرتکلف کھانا بھی پیش کیاگیا-صفائی ورکرز کے اعزاز میں مختلف شہرو ں میں کیک کاٹ کر ورکرز کی حوصلہ افزائی کی گئی-صفائی ورکرز اپنے لئے شاندار اورپر تکلف تقریبات دیکھ کر خوشگوار حیرت میں مبتلا ہوگئے-صفائی ورکرز نے اپنے تاثرات کااظہار کرتے ہوئے کہاکہ وزیراعلی مریم نوازشریف نے صفائی کرنے والو ں کو عزت دے کر قابل تقلید مثال قائم کی-یقین نہیں آ رہا ہمارے لئے بھی ایسی تقریب ہوسکتی ہے-
صفائی ورکرز نے وزیراعلی مریم نواز شریف کا شکریہ ادا کرتے ہوئے کہا خوشی کے ان لمحات کو کبھی نہیں بھول سکتے-وزیراعلی مریم نوازشریف نے کہا کہ صفائی ورکرز ہمارے معاشرے کا حسن ہیں -عیدالاضحی پر ستھرا پنجاب پروگرام کے تحت صفائی کے انتظامات کو ملک بھر میں سراہا گیا-صفائی مہم کی کامیابی کا سہرا صفائی ورکرز کے سر ہے،سخت گرمی میں بھی کام جاری رکھا-وزیراعلی مریم نوازشریف نے کہاکہ پنجاب کے عوام کی طرف سے صفائی ورکرز کو دل کی اتھاہ گہرائیوں سے خراج تحسین پیش کرتی ہوں – صفائی ورکرز کی محنت اور لگن دوسروں کے لئے قابل تقلید ہے-عیدالاضحی پر تیز رفتار صفائی کی ایسی مثال قائم کی گئی جسے تا دیر یاد رکھا جائے گا-وزیراعلی مریم نوازشریف کی ہدایت پر سینٹری ورکرز کے اعزاز میں منعقدہ تقریبات میں عید الاضحی پر صفائی کے لئے ستھرا پنجاب پروگرام سے متعلق دستاویزی فلم بھی دکھائی گئی-
