گلی محلوں کے اندر کے کام ٹاؤنز کے ہیں،جن کے لئے بھی کراچی میونسپل کارپوریشن کو آنا پڑتا ہے،میئر کراچی مرتضٰی وہاب

میئر کراچی مرتضٰی وہاب نے کہا ہے کہ کے ایم سی کی حدود میں 106 بڑی سڑکیں ہیں، گلیاں نہیں، گلی محلوں کے اندر کے کام ٹاؤنز کے ہیں، گلی محلوں کے کام کے لیے بھی کراچی میونسپل کارپوریشن (کے ایم سی) کو آنا پڑتا ہے۔انہوں نے کہا کہ لوگ دیکھیں گے کہ روڈ کٹنگ کے پیسے کون لیتا ہے۔

میئر کراچی مرتضیٰ وہاب نے ایک بیان میں کہا ہے کہ ہر چیز کا الزام میئر اور ڈپٹی میئر پر لگادیا جاتا ہے، باتوں اور تعصب کا کارڈ کھیلنے سے مسائل حل نہیں ہوتے۔ تعصب کا کارڈ کھیلنے والوں کا میئر کہتا تھا اختیارات نہیں، اب شہر میں کام ہوتا ہوا نظر آرہا ہے۔ تم ہمیں جیتنے دو یا نہ جیتنے دو ہمیں سب سے پیار ہے، پیپلزپارٹی کا منشور لوگوں کی بلاتفریق خدمت ہے۔ ان کا مزید کہنا تھا کہ پیپلز پارٹی کی سوچ ہے کہ ہر جگہ کام کرنا ہے۔ جینا مرنا کراچی والوں کے ساتھ ہے، اس مٹی کی خدمت ہمارا فرض ہے۔