وزیراعلی خیبر پختونخوا علی امین خان گنڈاپور کا صوبے کی پہلی فارسٹ کاربن کریڈٹ میپنگ رپورٹ کے اجراء کی تقریب سے خطاب کرتے ہوئے کہا ہے کہ فارسٹ کاربن کریڈٹ میپنگ جنگلات کے شعبے میں صوبائی حکومت کا ایک تاریخی اقدام ہے، اس شاندار پیشرفت پر محکمہ جنگلات اور پارٹنر اداروں کو خراج تحسین پیش کرتا ہوں۔ فارسٹ کاربن کریڈٹ میپنگ عالمی کاربن کریڈٹ مارکیٹ میں شراکت کے لئے بنیاد فراہم کرے گا، اس سے صوبائی حکومت کو گرین فنانس جیسے جدید مالیاتی ذرائع تک رسائی ممکن ہوگی، یہ میپنگ صوبے کی ماحولیاتی، معاشی اور سماجی ترقی کے لئے ایک جامع ماڈل کا کردار ادا کرے گا۔پی ٹی آئی کی حکومت گزشتہ دس سالوں کے دوراں صوبے میں جنگلات کے شعبے میں نمایاں کامیابیاں حاصل کی ہیں، یہ کامیابیاں جنگلات اور ماحولیات سے متعلق بانی چئیرمین عمران کے وژن پر عمل سے ممکن ہوا ہے، جنگلات کے فروغ کے لئے عمران خان کے وژن اور کامیابیوں کو عالمی سطح پر سراہا گیا۔ خیبر پختونخوا کے جنگلات کا رقبہ پورے ملک کے جنگلاتی رقبے کا 46 فیصد ہیں، صوبے کے جنگلات ملک کے 50 فیصد کاربن جذب کرنے کی صلاحیت رکھتے ہیں ہیں، کاربن کریڈٹ کی مد میں صوبے کو 100 ملین ڈالر سالانہ آمدن متوقع ہے۔ موجودہ صوبائی حکومت کاربن کریڈیٹ کی صلاحیتوں سے بھرپور استفادہ کرنے کے لئے سنجیدہ اقدامات کر رہی ہے، صوبے میں جنگلات کے رقبے کو مزید بڑھانے کے بہت سارے مواقع موجود ہیں، حکومتی کوششیں تب تک موثر نہیں ہو سکتیں جب تک عوام اس میں اپنا حصہ نہ ڈالیں۔ عوام جنگلات کے فروغ اور تحفظ کے لئے اپنے حصے کا کردار ادا کریں، عوام غیر مستعمل زمینوں اور اپنے گھروں میں زیادہ سے زیادہ درخت لگائیں۔
