*کمشنر لاہور زید بن مقصود کی زیر صدارت 38ویں سینئر مینیجمنٹ کورس کے شرکاء افسران کیلئے تعارفی و بریفنگ اجلاس*

کمشنر لاہور آفس میں 38ویں سینئر مینیجمنٹ کورس کے شرکاء افسران کو بریفنگ دی گئی۔ کمشنر لاہور ڈویژن زید بن مقصود کی زیر صدارت ایس ایم سی افسران کیلئے بریفنگ اجلاس منعقد ہوا۔ اجلاس کے آغاز میں کمشنر لاہور ڈویژن نے ایس ایم سی افسران کو خوش آمدید کہا۔ کمشنر لاہور زید بن مقصود نے ڈیزاسٹر مینیجمنٹ، وار ایکشن پلان اور مون سون انتظامات کے حوالے سے اظہار خیال کیا۔ لاہور ڈویژن سمیت ضلعی انتظامیہ اور مختلف محکموں کی جانب سے ایس ایم سی افسران کو بریفنگ دی گئی۔ سینیر مینیجمینٹ کورس افسران کو کلائمیٹ چینج اقدامات، کارکردگی و چیلنجز پر تفصیلا بریفنگ دی گئی، پنجاب ڈیزاسٹر منیجمنٹ اتھارٹی نے ڈیزاسٹر مینیجمنٹ، سٹریٹیجی، رابطہ کار، میکانزم و ورکنگ بارے بریفنگ دی جبکہ ڈی سیز نے مون سون انتظامات، نکاسئ آب اقدامات اور سیلابی صورتحال میں انخلاء پلان حوالے سے بریفنگ دی۔کمشنر لاہور زید بن مقصود نے پنجاب حکومت کے شہری خدمات فراہمی، سہولیات کے نئے پروگرامز پر روشنی ڈالی۔ کمشنر لاہور نے کہا کہ وزیراعلی پنجاب روزانہ کی بنیاد پر تمام اضلاع سے کارکردگی رپورٹ لیتی ہیں، انہوں نے کہا کہ وزیر اعلیٰ پنجاب بارشوں اور فصلوں کے زیر آب آنے کے حوالے سے اقدامات کا روزانہ کی بنیاد پر خود جائزہ لے رہی ہیں۔ کمشنر لاہور نے کہا کہ مون سون اور سیلابی صورتحال میں اربن فلڈنگ و فلڈنگ رسپانس پیشگی تیاری، رپورٹنگ اور بلاتاخیر آپریشنز سے ترتیب دیتے ہیں۔ کمشنر لاہور نے مزید کہا کہ مون سون میں میٹ آفس، پی ڈی ایم اے، واسا، ضلعی انتظامیہ، ریسکیو 1122 کے درمیان بہترین رابطہ کار ناگزیر ہے۔کمشنر لاہور زید بن مقصود نے تعارفی سیشن کے اختتام پر ایس ایم سی مینیجمنٹ کے سینئر افسران کو شیلڈز بھی دیں۔اجلاس میں ڈی سی لاہور سید موسی رضا، ڈی سی ننکانہ راو تسلیم اختر، ایڈیشنل کمشنر عثمان غنی، ڈائریکٹر پی ڈی ایم اے، اسسٹینٹ ڈائریکٹر ڈویلپمنٹ لاہور ڈویژن و دیگر افسران نے شرکت کی۔