چیف سیکریٹری سندھ آصف حیدر شاہ کی ہداہت پر محکمہ سروسز جنرل ایڈمنسٹریشن نے نوٹیفیکیشن جاری کردیا ہے۔ میئر کراچی بیرسٹر مرتضیٰ وہاب ٹاسک فورس کے چیئرمین مقرر، کمشنر کراچی اور دیگر حکام بھی شامل ہیں۔ ترجمان چیف سیکریٹری سندھ کے مطابق ٹاسک فورس شہر کی اہم شاہراہوں کی بحالی، صفائی اور خوبصورتی کے کاموں کی نگرانی کرے گی۔ ٹاسک فورس کو تجاوزات، غیر قانونی پارکنگ اور سیوریج مسائل کے حل کی ذمہ داری دی گئی۔ کراچی میں شاہراہِ فیصل، شاہراہِ قائدین، شیر شاہ سوری روڈ اور دیگر اہم سڑکوں کی بہتری کا منصوبہ ہے۔ شاہراہِ فیصل، شاہراہِ قائدین، عبداللہ ہارون روڈ اور آئی آئی چندریگر روڈ پر ترقیاتی کام ہوں گے۔سندھ حکومت کی ہدایت پر تمام اداروں کو ٹاسک فورس سے تعاون کا پابند بنایا گیا۔
کراچی کو صاف، سرسبز اور منظم شہر میں تبدیل کرنے کے لیے سندھ حکومت کا اہم قدم قرار دیا گیا ہے۔
