پاکستانی نژاد برطانوی طالبہ ماہ نور چیمہ نے تعلیم کے میدان میں نئی تاریخ رقم کرتے ہوئے 6 عالمی تعلیمی ریکارڈز اپنے نام کر لیے ہیں، جن میں سے 4 ریکارڈز صرف ان کے حالیہ 24 اے لیول مضامین میں شاندار کامیابی پر مبنی ہیں۔
18 سالہ ماہ نور چیمہ کا تعلق لندن سے ہے لیکن وہ 2006 میں اپنے والدین کے ساتھ لاہور سے برطانیہ منتقل ہوئیں۔ ابتدائی تعلیم مختلف اسکولوں سے حاصل کرنے کے بعد انہوں نے آخری سال ہوم اسکولنگ کے ذریعے مکمل کیا۔ماہ نور کو طب (میڈیسن) کی تعلیم کیلئے آکسفورڈ یونیورسٹی میں داخلہ بھی مل گیا ہے، جسے وہ اپنی بچپن کی خواہش کی تکمیل قرار دیتی ہیں۔ماہ نور کے مطابق یہ سب کچھ ان کے والدین کی قربانیوں کی بدولت ممکن ہوا، وہ 2006 میں والدین کے ساتھ لاہور سے برطانیہ منتقل ہوئیں اور مختلف سکولوں میں تعلیم کے بعد آخری سال ہوم اسکولنگ کی۔وہ موسیقی میں ڈپلومہ، اداکاری اور پبلک سپیکنگ میں گولڈ میڈلز اور دنیا کی اعلیٰ آئی کیو سوسائٹی ’مینسا‘ کی رکنیت بھی رکھتی ہیں، ان کی کامیابیوں کو پاکستان کے سابق وزرائے اعظم نواز شریف اور شہباز شریف نے بھی سراہا، اور انہیں ’قوم کی بیٹی‘ قرار دیا۔
