کمشنر لاہور زید بن مقصود کا نکاسی آب آپریشن کا جائزہ لینے کے لیے شہر کا دورہ

کمشنر لاہور زید بن مقصود نے نکاسی آب آپریشن کا جائزہ لینے کے لیے شہر کا دورہ کیا۔ کمشنر لاہور نے ڈی سی لاہور رافعہ حیدر اور ایم ڈی واسا کے ہمراہ تاجپورہ و ڈسپوزل اسٹیشن تاجپورہ کا دورہ کیا۔ کمشنر لاہور نے کہا کہ ایس ڈی او کمپلیکس تاجپورہ میں ابتک 203ایم ایم بارش ریکارڈ ہوچکی ہے۔ ایم ڈی واسا نے ڈویژنل انتظامیہ کو نکاسی آب کے دورانیے اور تکنیکی انٹروینشنز پر بریفنگ دی۔ کمشنر لاہور نے کہا کہ شہریوں کے بروقت ریلیف اور نکاسی آب کے لیے تمام وسائل دستیاب اور ورکنگ میں مصروف ہیں۔ کمشنر لاہور زید بن مقصود نے اس سے قبل کینال انڈر پاسز، فیروز پور روڈ، لبرٹی، لکشمی چوک، غالب روڈ، عابد مارکیٹ، جیل روڈ، شمع ، قرطبہ چوک، ہربنس پورہ و دیگر علاقوں کا دورہ کیا۔کمشنر لاہور نے کہا کہ موسلادھار تیز بارش جاری ہے۔ 203ایم ایم بارش ریکارڈ ہوچکی ہے۔ شہر کے اکثر علاقوں میں اوسطاً 100 ایم ایم بارش ہوچکی ہے۔ ٹیمیں فیلڈ میں پوری استعداد سے کام کررہی ہیں۔انہوں نے کہا کہ پہلے مرحلے میں تمام مین روڈز اور محرم جلوس روٹس کلیر کرائے جارہے ہیں۔ تمام سورنگ پوائنٹس،جمع بارشی پانی نکاسی کیلئے ضروری مشینری مکمل صلاحیت سے کام کررہی ہے۔ کمشنر لاہور نے کہا کہ واسا کی ایمرجنسی ریسپانس کیمپس اور فیلڈ سٹاف نکاسی آب کیلئے شہر میں متحرک ہے۔ کمشنر لاہور کی فیلڈ میں کام کرنے والی مشینری کے جنریٹرز کو نکاسی آب مکمل ہونے تک مکمل فعال رکھنے کی ہدایت کی۔کمشنر لاہور نے کہا کہ سورنگ پوائنٹس و نشیبی علاقوں پر مکمل فوکس ہے۔ کمشنر لاہور زید بن مقصود نے شہریوں سے اپیل کی ہے کہ والدین بچوں کو کھلے جمع بارشی پانی میں نہ نہانے دیں۔ کوئی بجلی کی تار پانی میں گر سکتی ہے۔ کمشنر لاہور نے اپیل میں کہا کہ شہری بغیر ضرورت کے سفر نہ کریں۔ شدید بارش کی نکاسی کیلئے آپریشن جاری ہیں۔ انہوں نے کہا کہ شہری بجلی کے کھمبوں پولز سے دور رہیں۔ کمشنر لاہور نے کہا کہ لیسکو کو متحرک کردیا ہے۔ ان کی ٹیمیں گلیوں اور چوکوں میں چیکنگ کررہی ہیں۔