لوکل گورنمنٹ ایمپلائز فیڈریشن خیبرپختونخوا کے پرزور مطالبہ پر سروس سٹرکچر پر عمل درآمد یقینی بنانے کے لئےمراحل کی شروعات

پشاور(بلدیات ٹائمز) لوکل گورنمنٹ ایمپلائز فیڈریشن رجسٹرڈ خیبرپختونخوا کے پرزور مطالبہ پر سروس سٹرکچر پر عمل درامد یقینی بنانے کے لئے دوسرے مرحلے میں ری نیمنگ کمیٹی کی باقاعدہ میٹنگ ہزارہ ڈویژن کی طلب کی گئی تھی جو ناگزیر وجوہات کی وجہ سے ملتوی ہو کر 19 اگست 2025 کے لئے دوبارہ مقرر ہوئی۔جب کہ قبل ازیں پہلے مرحلے میں پشاور ڈویژن کی میٹنگ کی گئی۔ تفصیلات کے مطابق نان پی یو جی ایف سٹاف کے سروس سٹرکچر کو عملی جامہ پہنانے کےلئے دوسرے مرحلے میں ہزارہ ڈویژن کی 26 تحصیل میونسپل ایڈمنسٹریشنز کے تحصیل میونسپل آفیسرز اور تحصیل آفیسرز فنانس کو ھمراہ متعلقہ ریکارڈ میٹنگ میں 12 اگست 2025 کو طلب کیا گیا تھا مگر ملتوی ہو کر دوبارہ 19 اگست 2025 کے لئے لوکل کونسل بورڈ پشاور کے دفتر میں طلب کر لیا گیا ھے اجلاس کی صدارت کمیٹی کے چئیرمین اور ایڈیشنل سیکرٹری بورڈ کریں گے۔جس کے لئے لوکل کونسل بورڈ کی طرف سے باقاعدہ خطوط تحت نمبری AO-IV/LCB/4-1/TMAs General File مجاریہ 06 اگست 2025 کو جاری کئے گئے ھیں جو بعد ازاں 19 کے لئے جاری کئے گئے ہیں۔مزید برآں لوکل گورنمنٹ ایمپلائز فیڈریشن رجسٹرڈ خیبرپختونخوا کے عہدیداران سرپرست اعلیٰ شوکت کیانی ، چئیرمین محبوب اللہ ، صدر حاجی انور کمال خان مروت نے متعلقہ TMAs کے یونین رہنماؤں کو آگاہ کیا ہے کہ وہ اپنی اپنی تحصیل کونسلز کی ضروری پوسٹوں کی ری نیمنگ کے لئے تحصیل میونسپل افیسرز کی ھمراہ TOF بمعہ ریکارڈ متعلقہ بروقت میٹنگ میں حاضری یقینی بنانے کے لئے اپنا بھر پور کردار ادا کریں۔