وزیر اعلیٰ پنجاب کی ہدایت پر صوبے کی تاریخ میں محفوظ گوشت اور دودھ کی فراہمی کیلئے بڑا کریک ڈاؤن۔۔پنجاب فوڈ اتھارٹی اور محکمہ لائیو سٹاک کی ٹیموں کی صحت دشمنوں کیخلاف تابڑ توڑ کارروائیاں جاری ہیں، سیکرٹری پرائس کنٹرول ڈاکٹر احسان بھٹہ کی زیر صدارت اجلاس میں ڈی جی فوڈ اتھارٹی اور ڈی جی لائیو سٹاک نے تفصیلی بریفنگ دی،18 روز میں 9 ہزار 200 سے زائد مذبحہ خانوں اور دکانوں کی چیکنگ کے دوران 74 ہزار کلوگرام مضر صحت گوشت برآمد جبکہ 183 افراد کیخلاف مقدمات درج کروائے گئے،اسی طرح 20 لاکھ 625 ہزار سے زائد دودھ کے معیار کی چیکنگ کے دوران 2 لاکھ 10 ہزار سے زائد تلف جبکہ 68 مقدمات درج کروائے گئے،بریفنگ کے دوران بتایا گیا کہ ناقص گوشت کی ہوٹلوں کو سپلائی کیلئے چھوٹی گاڑیوں کے استعمال کا انکشاف ہوا، چھوٹے علاقوں میں غیر قانونی مذبح خانوں سے گوشت کی بڑی مقدار شہروں میں سپلائی کی جاتی ہے،سیکرٹری پرائس کنٹرول کا کہنا تھا کہ بڑے شہروں کے داخلی و خارجی راستوں کی کڑی نگرانی کیلئے دیگر اداروں سے بھی معاونت لی جائے، سرکاری مذبحہ خانوں کی بہتری ،مانیٹرنگ اور ضلعی انتظامیہ سے کوآرڈی نیشن بارے سفارشات کا بھی جائزہ لیا گیا ، ڈاکٹر احسان بھٹہ نے واضح کیا کہ جعلی دودھ بنانے والی نرسریوں کا خاتمہ اولین ترجیح ہے، بیمار اور مردہ جانوروں کے گوشت کی سپلائی نیٹ ورک اور مافیا کا قلعہ قمع کرنا وقت کی ضرورت ہے، ڈیجیٹل مانیٹرنگ کیلئے قصابوں کی رجسٹریشن کے عمل کو تیز کیا جائے۔
پنجاب کی تاریخ میں محفوظ گوشت اور دودھ کی فراہمی کیلئے بڑا کریک ڈاؤن، 74 ہزار کلوگرام مضر صحت گوشت برآمد، 183 افراد کیخلاف مقدمات درج
