محکمہ فوڈ سیفٹی اینڈ کنزیومر پروٹیکشن نے پنجاب بھر میں قائم رمضان نگہبان دسترخوانوں کے حوالے سے اہم رپورٹ جاری کر دی -اس موقع پر سیکرٹری فوڈ سیفٹی اینڈ کنزیومر پروٹیکشن ڈاکٹر کرن خورشید نے بتایا کہ پنجاب میں 423 دسترخوان قائم کیے گئے ہیں ان دسترخوانوں پر روزانہ تقریباً 1لاکھ سے ڈیڑھ لاکھ افراد باعزت طریقے سے افطار کرتے ہیں-انہوں نے بتایا کہ گزشتہ روز صوبہ بھر میں رمضان نگہبان دسترخوانوں پر 127121 افراد نے بہترین ماحول میں افطار کی اور یکم رمضان سے 21 رمضان تک 26 لاکھ سے زائد افراد نے رمضان نگہبان دسترخوانوں پر افطارکر چکے ہیں اور یہ دسترخوان پنجاب کی تاریخ میں پہلی مرتبہ بڑے پیمانے پر مخیر حضرات کے تعاون سے قائم کیے گئے ہیں ان دسترخوانوں پرافطار مینیو میں چکن پلاؤ,چکن قورمہ, کھجوریں، پھل ،سموسے اور پکوڑے شامل ہیں -ڈاکٹر خورشید نے بتایا کہ فوڈ سیفٹی ,فوڈ اتھارٹی اور ضلعی انتظامیہ کے افسران کی جانب سے دسترخوانوں کی کڑی نگرانی اور مسلسل معائنہ جاری ہے اس ضمن میں فوڈ سیفٹی اور اتھارٹی کی ٹیمیں مسلسل متحرک ہیں اور دسترخانوں پر صفائی اور خوراک کے معیار کی کڑی مانیٹرنگ کی جاری ہے-انہوں نے بتایا کہ رمضان نگہبان دسترخوان پبلک پرائیویٹ پارٹنرشپ کا بہترین ماڈل ہیں جہاں رمضان نگہبان دسترخوانوں پر بہترین افطارتحفظ اور سیکیورٹی کے ساتھ فراہم کی جا رہی ہے –
