سیکرٹری فوڈ سیفٹی اینڈ کنزیومر پروٹیکشن ڈاکٹر کرن خورشید نے ’سہولت آن دی گو‘ بازار برکی روڈ کا اچانک دورہ کیا اورڈیوٹی سے غیر حاضری پر فوڈ ڈپارٹمنٹ کے اہلکار عمیر کی معطلی کا حکم جاری کردیا اور کہا کہ فرائض میں کوتاہی ہرگز برداشت نہیں کی جائے گی بعدازاںسیکرٹری فوڈ سیفٹی نے سہولت بازار ہربنس پورہ کا دورہ بھی کیا اور سہولت بازار میں اشیائے خورونوش کی سپلائی قیمتوں اور کوالٹی کا معیار چیک کیا اس موقع پرڈاکٹر کرن خورشید نے سہولت ان دی گو بازار میں خریداری کے لیے آنے والے شہریوں سے اشیائے خوردونوش کی قیمتوں اور کوالٹی کے بارے میں دریافت کے ساتھ ساتھ سہولت بازاروں میں صفائی ستھرائی اور سکیورٹی کے بھی دریافت کیا اورسہولت بازار میں صفائی کے انتظامات کو مزید بہتر بنانے کی ہدایت کی-ڈاکٹر کرن خورشید نے سہولت بازار انتظامیہ کوخریداری کے لیے انے والے بزرگ شہریوں کے لیے ویل چیئر کا انتظام کرنے کے احکامات بھی جاری کیے -سیکرٹری فوڈ سیفٹی نےسہولت ان دی گو بازار میں سبزیاں اور پھلوں کے معیار کو مزید بنانے کی ہدایت کی اور کہا کہ وزیراعلی پنجاب کی ہدایت پر عوام کی سہولت کے لیے اشیائے خور و نوش کی مقرر کردہ نرخوں پر فراہمی یقینی بنائیے کے لیے تمام وسائل بروئے کار لائے جا رہے -ڈاکٹر کرن خورشید نے بتایا کہ پنجاب میں ناجائز منافع خوری کے خلاف کریک ڈاؤن تسلسل سے جاری ہے اورگزشتہ روز پنجاب بھر میں پرائس کنٹرول مجسٹریٹس نے 72ہزار 800سو سے زائد مقامات پر چھاپے مارے اور مختلف اضلاع میں 4ہزار800سو سے زائد اوور چارجنگ کی شکایات پر فوری کاروائی عمل میں لائی گئی اورناجائز منافع خوری کہ جرم میں 14 مقدمات درج کر کے 215 افراد کو حراست میں لے لیا گیا -انہوں نے بتایا کہ گراں فروشی پر 34 لاکھ 55 ہزار 700سو سے زائد جرمانہ عائد کیا گیا-انہوں نے بتایا کہ پنجاب کے تمام پرائس کنٹرول مجسٹریٹس اپنے فرائض تندہی سے انجام دے رہے ہیں -سیکرٹری فوڈ سیفٹی نے کہا کہ پنجاب میں مجموعی طور پر سبزیوں کی قیمتیں مستحکم ہیں اور صوبہ میں ٹماٹر کی مجموعی قیمت 61 روپے فی کلو پیاز 47 روپے اور آلو 18روپے فی کلو مارکیٹ میں فروخت ہو رہے ہیں اور مارکیٹ میں تمام سبزیاں وافر مقدار میں دستیاب ہیں-
برکی سہولت بازار میں ڈیوٹی سے غیر حاضری پر فوڈ ڈیپارٹمنٹ کا اہلکار عمیر معطل -سیکرٹری فوڈ سیفٹی
