عید میلادالنبی (صلی اللہ علیہ وسلم) کی تیاریاں جوش و خروش سے جاری ہیں۔محفلِ میلاد مصطفیٰ کی مناسبت سے ایل ڈبلیو ایم سی کی صفائی ٹیمیں شہر بھر میں متحرک ہیں۔لاہور کے تمام 9ٹاؤنز میں صفائی کے خصوصی اقدامات کے تحت مساجد کی واشنگ کا سلسلہ بھی جاری ہے۔اس حوالے سے سی ای او ایل ڈبلیو ایم سی بابر صاحب دین کا کہنا ہے کہ عید میلادالنبی کی مناسبت سے نکالے جانے والے 120 سے زائد چھوٹے بڑے جلوسوں کے روٹس پر ایل ڈبلیو ایم سی کے ورکرز صفائی صورتحال کو یقینی بنانے کے لیے تعینات کر دئیے گئے ہیں۔800 سے زائد سینٹری ورکرز میلاد کی محافل اور مساجد کے گرد ڈیوٹی سر انجام دے رہے ہیں۔ شہر بھر میں ہونے والی ذکر و اذکار اور میلادِ رحمت اللعالمین کی محافل کے مد نظر214 سے زائد مساجد کی مکینیکل واشک 11 ربیع الاول تک مکمل کر لی جائے گی۔
مزید برآں تمام اہم شاہراہوں پر مکینیکل سویپنگ کا عمل جاری ہے۔ لاہوریوں کو صاف ستھرا ماحول فراہم کرنا ہی اولین ترجیح ہے۔ حکومتِ پنجاب کے وژن کے مطابق لاہوریوں کو صاف ستھرا ماحول فراہم کرنے کیلئے پر عزم ہیں۔شہریوں سے گزارش ہے کہ اپنے ارد گرد کے ماحول کو صاف بنانے میں ایل ڈبلیو ایم سی ٹیموں کا ساتھ دیں۔ صفائی سے متعلق شکایات کے فوری ازالے کے لیے ایل ڈبلیو ایم سی کی ہیلپ لائن 1139پر رابطہ کریں یا سوشل میڈیا کا استعمال کریں۔
