کمشنر لاہور زید بن مقصود نے جاری پولیو مہم اور ترقیاتی سکیموں کے جائزہ کے حوالے سے شہر کے مختلف علاقوں (انگوری باغ شالامار، رام گڑھ بازار، ریلوے اسٹیشن) کا دورہ کیا۔ کمشنر لاہور نے لاہور ڈویلپمنٹ پلان کے تحت انگوری باغ شالامار کی مختلف گلیوں کی جاری ترقیاتی سکیموں کا جائزہ لیا، انہوں نے گلیوں میں ٹف ٹائلنگ، سیوریج، گلی گریٹنگز کا جائزہ لیا۔
کمشنر لاہور نے جاری پولیو مہم جائزہ کیلئے رام گڑھ بازار اور ریلوے اسٹیشن کا دورہ کیا۔ کمشنر لاہور نے ریلوے اسٹیشن پر مسافروں سے پولیو قطرے پلانے بارے استفسار کیا، انہوں نے ریلوے اسٹیشن پر موجود مسافر بچوں کے والدین سے بات چیت کی اور پولیو مارکنگ کو چیک کیا۔
کمشنر لاہور نے ہدایات جاری کرتے ہوئے کہا ہے کہ پولیو مہم افسران متفرق علاقوں میں پولیو ٹیموں کی مانیٹرنگ کریں، پولیو مہم کو کامیاب بنانا قومی فریضہ ہے، ہماری غفلت کا نتیجہ بچے کی مستقل معزوری ہوسکتا ہے۔
