آٹے کا نرخ بڑھنے پر وزیراعلیٰ مریم نواز شریف نے شدید برہمی کااظہار کیاہے-وزیراعلیٰ پنجاب مریم نواز شریف نے خصوصی طور پر ہنگامی ویڈیو لنک اجلاس طلب کر لیا-اجلاس میں متعلقہ حکام نے تفصیلی بریفنگ دی -وزیراعلیٰ مریم نوازشریف نے عوام کو ہر صورت سستا آٹا اورگندم مہیا کرنے کا حکم دیا ہے-اجلاس کے دوران فلورملوں کو 3800روپے فی من ملنے والی سبسڈائز سرکاری گندم کا کوٹہ بڑھانے کافیصلہ کیاگیااورسستے آٹے کی یقینی فراہمی کیلئے10ارب روپے کی سبسڈی دینے پر اتفاق کیاگیا-وزیراعلیٰ مریم نواز شریف نے سستے آٹے کیلئے10ارب روپے سبسڈی دینے کی منظوری دے دی-اجلاس کے دوران مارکیٹ میں آٹے اورگندم کے نرخ میں مصنوعی اضافے کے رجحان پر اظہار تشویش کیاہے-عوام کو سستے آٹے کی فراہمی ہر صورت یقینی بنانے کے لئے اقدامات کی ضرورت پر اتفاق کیا گیا-وزیراعلی مریم نوازشریف نے کہاکہ پنجاب کے عوام پر مہنگائی کا بوجھ بے حد تکلیف دہ ہے۔ عوام کو سستے آٹے کی ترسیل ہر صورت یقینی بنانے کیلئے تمام وسائل بروئے کار لائیں گے۔ وزیراعلی مریم نواز شریف نے کہاکہ عوام کو سستے آٹے اورسستی روٹی کی فراہمی جاری رہے گی۔
*آٹے کا نرخ بڑھنے پر وزیراعلیٰ مریم نواز شریف کاشدید برہمی کااظہار،10 ارب کی سبسڈی منظور*
