شہر کو چمکانے اور اس کے حسن کو بحال رکھنے کے لیے ایل ڈبلیو ایم سی کاشہر بھر میں زیرو ویسٹ آپریشن جاری ہے۔ مرحلہ وار صفائی آپریشن کے تحت تمام9ٹاؤنز میں آپریشن ٹیموں کی جانب سے بہترین صفائی اقدامات کیے جا رہے ہیں۔بروقت صفائی سہولیات کی فراہمی یقینی بنانے کے لیے عزیز بھٹی ٹاؤن میں 800سے زائد ورکرز، 87 سے زائد آپریشنل گاڑیاں خصوصی صفائی آپریشن پر تعینات ہیں
جبکہ172لوڈر رکشے گھر گھر سے کوڑا اُٹھانے پر مامور ہیں۔سی ای او ایل ڈبلیو ایم سی بابر صاحب دین کا اس حوالے سے کہنا ہے کہ عزیز بھٹی ٹاؤن میں موجود 14 ہاٹ سپاٹ ایریاز کو کلیئر کردیا گیا ہے جبکہ تمام عارضی کولیکشن پوائنٹس کو بھی روزانہ کی بنیاد پر زیرو ویسٹ کیا جا رہا ہے۔ مزید برآں بٹ چوک،تاجپورہ روڈ،احمد حسن روڈ،مین ضرار شہید روڈ کے اطراف خصوصی صفائی آپریشن مکمل کیا گیا۔بہادر شاہ روڈ،سولنگ روڈ،ساٹھ فٹ روڈ اورمین بزنس پورہ روڈ کے اطراف خصوصی صفائی ٹیمیں تعینات ہیں۔ہر بنس پورہ چوک،لال پل کینال روڈ، مغل پورہ، دھرمپورہ چوک،علامہ اقبال روڈ اور انوینٹری روڈ میں بھی صفائی ستھرائی کا عمل جاری ہے۔وزیر اعلیٰ پنجاب مریم نواز شریف کے ویژن ستھرا پنجاب کے تحت لاہور میں خصوصی صفائی ایکٹیویٹیز کا سلسلہ جاری ہے۔شہریوں سے گزارش ہے کہ اپنے ارد گرد کے ماحول کو صاف بنانے میں ایل ڈبلیو ایم سی ٹیموں کا ساتھ دیں۔ کوڑا ہمیشہ کوڑے دان میں ڈالیں۔ صفائی سے متعلق شکایات کے ازالے کے لیے ایل ڈبلیو ایم سی کی ہیلپ لائن 1139پر رابطہ کریں یا سوشل میڈیا کا استعمال کریں۔
