محکمہ داخلہ پنجاب میں کابینہ کمیٹی برائے امن و امان کا 37 واں اجلاس منعقد ہوا ۔ چیئرمین خواجہ سلمان رفیق کی سربراہی میں صوبائی وزراء، سیکرٹری داخلہ، قانون نافذ کرنے والے اداروں کے افسران نے شرکت کی۔ کابینہ کمیٹی نے پیرا PERA کے 259 انفورسمنٹ افسران کو پرائس کنٹرول مجسٹریٹس کے اختیارات دینے کی منظوری دی۔ میانوالی بارڈر چیک پوسٹس پر رینجرز کی تعیناتی کی مدت میں توسیع اور ڈی جی خان بارڈر چیک پوسٹس پر 50 رضاکاروں کی تعیناتی کی منظوری۔ اجلاس میں رائٹ مینجمنٹ پولیس کیلئے پیشہ ورانہ آلات کی خریداری کی منظوری بھی دی گئی۔
