ماحول کو آلودگی سے بچانے کیلئے عوامی آگاہی ریلی۔۔وزیر ہاؤسنگ پنجاب بلال یاسین نے داتا دربار سے مینار پاکستان تک آگاہی ریلی کی قیادت کی،انوائرمنٹ پروٹیکشن ، پی ایچ اے، ایل ڈبلیو ایم سی اور واسا لاہور کی ٹیموں نے بھی آگاہی ریلی میں حصہ لیا اور سڑکوں پر پانی کا چھڑکاؤ کیا،اس موقع پر وزیر ہاؤسنگ کا کہنا تھا کہ سموگ سمیت آبی آلودگی جیسے مسائل میں اضافے کو روکنا وقت کی ضرورت ہے، عوام میں سموگ کیخلاف اقدامات کی آگاہی اور شعور بیدار کرنے کیلئے تمام فورمز استعمال کیے جارہے ہیں، بلال یاسین نے واضح کیا کہ علامتی واکس ، سیمینارز اور تعلیمی اداروں میں تقریبات کے اہتمام سے پیشگی اقدامات یقینی بنائے جائیں گے، حکومت عوام کی مشکلات میں کمی اور مسلسل ریلیف فراہمی کیلئے ہر ممکن اقدامات یقینی بنارہی ہے، وزیر اعلیٰ پنجاب کی ہدایت پر انسداد سموگ بارے اقدامات پر عملدرآمد یقینی بنایا جائے گا۔
