حکومت پنجاب نے 13 افسران کے تقررو تبادلے کے احکامات جاری کئے ہیں۔چیف سیکرٹری پنجاب زاہد اختر زمان کی جانب سے جاری نوٹیفکیشن کے مطابق بینش فاطمہ ساہی ڈائریکٹر جنرل، پنجاب انسٹی ٹیوٹ آف لینگوئج اینڈ آرٹس اینڈ کلچر (PILAC) کو فوری طور پر تبدیل کر کے اسپیشل سیکرٹری (ترقیات)، سپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ تعینات کیا گیا ہے۔ ذیشان شبیر رانا سپیشل سیکرٹری (ڈویلپمنٹ)، سپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ، حکومت پنجاب کو فوری طور پر تبدیل کر کے ڈائریکٹر جنرل (ایم اینڈ ای) پلاننگ اینڈ ڈویلپمنٹ بورڈ، پنجاب تعینات کیا گیا ہے۔ غلام صغیر شاہد ایگزیکٹو ڈائریکٹر، پنجاب کونسل آف آرٹس ڈائریکٹر جنرل، پنجاب انسٹی ٹیوٹ آف لینگوئج اینڈ آرٹس اینڈ کلچر (PILAC) کے عہدے کا اضافی چارج تفویض کیا گیا ہے۔
تقرری کی منتظر سمیعہ سلیم کو منیجنگ ڈائریکٹر، پنجاب ووکیشنل ٹریننگ کونسل تعینات کیا گیا ہے۔محمد تنویر مجید او ایس ڈی کو ڈائریکٹر جنرل، پنجاب روڈ سیفٹی اتھارٹی تعینات کیا گیا ہے۔ محمد نبیل ریاض ڈپٹی سیکرٹری، ہوم ڈیپارٹمنٹ، حکومت پنجاب کی خدمات ڈیپوٹیشن کی بنیاد پر ڈائریکٹر جنرل، پنجاب فوڈ اتھارٹی کے سپرد کر دی گئی ہیں۔محمد مرتضیٰ ملک ایڈیشنل ڈپٹی کمشنر (فنانس اینڈ پلاننگ) قصور کو فوری طور پر تبدیل کر کے چیف آفیسر میونسپل کارپوریشن فیصل آبادتعینات کیا گیا ہے۔سلمان ایوب ایڈیشنل ڈپٹی کمشنر (جنرل) قصور کو آئندہ احکامات تک اپنی ذمہ داریوں کے علاوہ ایڈیشنل ڈپٹی کمشنر (فنانس اینڈ پلاننگ) قصور کے عہدے کا اضافی چارج تفویض کیا گیا ہے۔فائزہ ارشد کوڈپٹی سیکرٹری، ہوم، ڈیپارٹمنٹ،عفت النساء ڈپٹی سیکرٹری، یوتھ افیئرز اینڈ سپورٹس ڈیپارٹمنٹ، حکومت پنجاب کو محکمہ سروسز اینڈ جنرل ایڈمنسٹریشن، حکومت پنجاب کو رپورٹ کرنے کی ہدایت کی گئی ہے۔ محمد قاسم پولیٹیکل اسسٹنٹ، راجن پور کو فوری طور پر تبدیل کر کے ڈپٹی سیکرٹری، ہوم ڈیپارٹمنٹ، حکومت پنجاب، ایک خالی آسامی پر تعینات کیا گیا ہے۔عثمان غنی ڈپٹی سیکرٹری، بورڈ آف ریونیو، پنجاب کو پولیٹیکل اسسٹنٹ، راجن پور تعینات کیا گیا ہے، ان کی جگہ محمد قاسم کا تبادلہ کیا گیاہے. مکرم مجیب سیکشن آفیسر (Confidential-IV) حکومت پنجاب کو S&GAD کے ریگولیشنز ونگ کی ایک خالی آسامی پر تعینات کیا گیا ہے۔
