پنجاب ریونیو اتھارٹی میں بڑے پیمانے پر اصلاحات کا آغاز۔۔۔ بڑے حجم والے ٹیکس پیئرز کیلئے لاہور میں الگ کمشنریٹ کے قیام کی سفارشات کا جائزہ لیا گیا۔انفورسمنٹ افسران کی روزانہ کارکردگی رپورٹ ڈیش بورڈ سے منسلک، جزا و سزا کا میکنزم تیار کیا جائے گا۔آئی ٹی ونگ میں نئی آسامیوں پر تعیناتی، ڈیٹا بیس کو مربوط اور سہولت ایپلی کیشن کو مزید بہتر بنایا جارہا ہے۔ ترجمان پی آر اے کے مطابق افسران کی کارکردگی و شفافیت برقرار رکھنے کیلئے آڈٹ اینڈ ویجیلینس ونگز کے قیام کی بھی سفارشات کا جائزہ لیا گیا۔ پی آر اے کمشنر اپیل، بذریعہ ویڈیو لنک کیسز کی سنوائی کرسکیں گے۔ علاوہ ازیں آن لائن سہولت ایپ پر صارفین کی شکایات متعلقہ کمشنر اور انفورسمنٹ افسران کو بذریعہ میسج بھی موصول ہوں گی۔ صارفین کی شکایات پر 24 گھنٹوں میں ایکشن لازم، فیلڈ افسران میرٹ پر ازالہ یقینی بنائیں گے۔ چیئرمین پنجاب ریونیو اتھارٹی معظم اقبال سپرا کی زیر صدارت 129 ویں اتھارٹی اجلاس میں نکات کا جائزہ لیا گیا۔
چیئرمین پنجاب ریونیو اتھارٹی معظم اقبال سپرا کی زیر صدارت اجلاس،لاہور میں الگ کمشنریٹ کے قیام کی سفارشات کا جائزہ
