تفصیلات کے مطابق موٹر ویز کے ریسٹ ایریاز پر فوڈ چینز کے ریکارڈ کی چیکنگ کے دوران 05 معروف چینز کے ریکارڈ میں بے ضابطگیاں پائی گئیں۔سکھیکی اور بھیرہ کے ریسٹ ایریاز پر معروف برانڈز کی مانیٹرنگ کی گئی۔ سیلز ریکارڈ میں خردبرد اور جعلی رسیدوں پر 40 لاکھ کے جرمانے عائد کیے گئے۔ علاؤہ ازیں ای آئی ایم ایس کے عدم استعمال پر بھی متعدد کو نوٹسز جاری کیے گئے۔ ترجمان پی آر اے کا کہنا تھا کہ ویجیلنس ونگ، معروف فوڈ چینز اور ریسٹورنٹس کی مسلسل مانیٹرنگ پر کارروائیاں کررہا ہے۔ عوام سے ٹیکس وصولی کے باوجود سرکاری خزانے میں جمع نہ کروانا قانوناً جرم ہے۔عوام سے گزارش ہے کہ ادائیگی کے بعد ای بل ضرور حاصل کریں۔
