پنجاب ریونیو اتھارٹی،قوانین کا نفاذ اور عوامی سہولت ساتھ ساتھ۔۔چیئرمین پنجاب ریونیو اتھارٹی معظم اقبال سپرا کی زیر صدارت آئی ٹی اور لیگل امور بارے اجلاس ہوا۔ بذریعہ سہولت ایپلی کیشن شکایات کا اندراج کرنیوالوں کو انعامات دینے کی سفارشات کا جائزہ لیا گیا۔ای کمپلینٹ سسٹم کے تحت شکایت کنندہ سے بینک اکاؤنٹ کی تفصیلات بھی لی جائیں گی۔ ریکارڈ میں بے ضابطگی یا جعلی رسید ثابت ہونے پر ادا شدہ جرمانے کا مخصوص حصہ شکایت کنندہ کو دیا جائے گا۔ انعامی رقم کی باقاعدہ منظوری اتھارٹی اجلاس میں لی جائے گی۔چیئرمین پی آر اے نے مانیٹرنگ ڈیش بورڈ کو مزید وسعت اور افسران کی روزمرہ کارکردگی اپلوڈ کرنے کی ہدایات جاری کیں۔ ان کا مزید کہنا تھا کہ رواں ماہ بننے والے نئے یونٹس والے افسران کے اہداف اور ٹریننگ مکمل کروائی جائیں۔ لیگل ونگ کو زیر التواء مقدمات اور ریکوری کیسز کو بروقت نبٹانے کی بھی ہدایات جاری کیں۔معظم اقبال سپرا کا کہنا تھا کہ ای آئی ایم ایس کے نفاذ کو یقینی بنانے سے ٹیکس کولیکشن میں واضح اضافہ ہو گا۔
پنجاب ریونیو اتھارٹی،بذریعہ سہولت ایپلی کیشن شکایات کا اندراج کرنیوالوں کو انعامات دینے کی سفارشات کا جائزہ
