سیکرٹری فوڈ سیفٹی اینڈ کنزیومر پروٹیکشن ڈاکٹر کرن خورشید نے کہا ہے کہ وزیر اعلی پنجاب کی ہدایت پر رمضان سے قبل ذخیرہ اندوزوں کے خلاف کریک ڈاؤن میں مزید تیزی لائی گئی ہے تاکہ رمضان المبارک کے مقدس مہینے میں عوام کو سستی اور معیاری اشیاء خور و نوش بلا تعطل جاری رہے-انہوں نے کہا کہ ذخیرہ اندوزی اور ناجائز منافع خوری کے خلاف فوڈ سیفٹی اور پیرا فورس کا جوائنٹ اپریشن جاری ہےاور اور اس مشترکہ اپریشن میں پنجاب کے 510 مقامات پر ذخیرہ اندوزی کی اطلاعات پر چھاپے مارے گئے اور 202 مقامات پرفوڈ سیفٹی اور پیرا فورس کے مشترکہ اپریشن سے 853.06 میٹرک ٹن اشیاء خورونوش برامد کی گئی ھیں اور ان برامد شدہ اشیا ضروریہ کی مالیت 118.07 ملین روپے ہے-ڈاکٹر کرن خورشید نے کہا کہ صوبہ میں ناجائز منافع خوری اور ذخیرہ اندوزی کے خلاف زیرو ٹالرنس ہے اور رمضان سے قبل پنجاب کی عوام کو نوٹیفائیڈ نرخوں پر اشیا ضروریہ کی فراہمی ہر صورت یقینی بنائی جائے گی اس ضمن میں حکومت پنجاب کی کاوشوں سے اشیائے ضروریہ کی قیمتیں اوپن اور ہول سیل مارکیٹ میں مستحکم ہیں-
