*ٹیکس ادائیگی میں خردبرد کرنیوالوں کیخلاف عوامی آگاہی مہم شروع کرنے کا فیصلہ*

وزیر اعلیٰ پنجاب مریم نواز کی ہدایت پر پنجاب ریونیو اتھارٹی ماہ اپریل سے تعلیمی اداروں میں آگاہی مہم شروع کرے گی۔ ٹیکس ادائیگی میں خردبرد کرنیوالوں کیخلاف عوامی آگاہی مہم کا آغاز تعلیمی اداروں سے کیا جائے گا۔ چیئرمین پنجاب ریونیو اتھارٹی معظم اقبال سپرا کی زیر صدارت اجلاس میں طلباء کو پی آر اے ایمبیسیڈر بنانے کا فیصلہ کیا گیا۔ہوٹل، ریسٹورنٹ ، جم، ایستھیٹک کلینکس سے حاصل شدہ رسید کی بذریعہ ایپلی کیشن اور واٹس ایپ نمبر تصدیق کروائی جاسکے گی۔ ابتدائی مرحلے میں محکمہ اسکول ایجوکیشن اور پی آر اے مشترکہ آگاہی مہم کا آغاز کریں گے۔ ترجمان پنجاب ریونیو اتھارٹی کے مطابق جعلی رسید دینے والوں کیخلاف کارروائی کے دوران وصول شدہ جرمانے کا 20 فیصد تک شکایت کنندہ کو دیا جائے گا۔ وسل بلور ایکٹ حکومتی منظوری کے بعد فی الفور نافذ العمل ہوگا۔ انعامی رقم ملنے سے عوامی شکایات میں واضح اضافہ اور ٹیکس ادائیگی سے متعلق شعور بیدار ہوگا۔ ترجمان نے واضح کیا کہ بھاری انعامات کا مقصد صوبہ بھر میں ٹیکس کلچر کو فروغ دینا ہے۔